Taksitë pa shofer do të jenë të disponueshme pas disa javësh

Taksitë pa shofer do të jenë të disponueshme pas disa javësh

Taksitë pa shofer

Njerëzit në Phoenix, Arizona së shpejti do të jenë në gjendje të porosisin një taksi pa shofer, ndërsa Google zgjeron shërbimin e saj Waymo.

Automjetet pa shofer në bord u testuan më parë nga një grup i zgjedhur i klientëve Waymo, para se pandemia të ndalonte shërbimin.

Makinat pa shofer fillimisht do të jenë në dispozicion vetëm për miqtë dhe familjen e atyre që e kanë adoptuar më herët Waymo, por do të shtrihen në të gjithë përdoruesit e aplikacioneve brenda disa javësh. Shërbimi vjen dy vjet më vonë sesa ishte premtuar fillimisht.

Makinat do të monitorohen në distancë, me operatorët e automjeteve që ndërhyjnë në rrethana ekstreme – siç mund të jenë rrugët ku bëhen punime.

Sipas Ars Technica, makinat fillimisht do të mbulojnë vetëm një zonë prej 130 km katrore në periferi të Phoenix. Kompania ende nuk ka dhënë detaje se sa njerëzve do t’u jepet qasje në aplikacionin, që do t’i lejojë ata të përdorin taksitë pa shofer.

Kompania tha: “Ne presim që shërbimi ynë i ri pa shofer të jetë shumë i popullarizuar dhe ne u jemi mirënjohës klientëve tanë për durimin e tyre ndërkohë që rritim disponueshmërinë për t’i shërbyer kërkesave.”

Waymo ka rreth 600 makina në flotën e saj, por nuk tha se sa prej tyre do të përdoren në shërbimin e ri. Para pandemisë, automjetet pa shofer siguruan 5-10% të udhëtimeve (nga 1,000-2,000 udhëtime në javë) në zonën e caktuar përreth Phoenix.

Më vonë këtë vit, kompania shpreson të modifikojë udhëtimet me shoferët e automjeteve në makinë, duke vendosur pengesa midis sediljeve, për të siguruar që klientët dhe punonjësit janë të mbrojtur nga COVID-19.

Automjetet shtesë do të “shtojnë kapacitet dhe do të na lejojnë të shërbejmë për një zonë të madhe gjeografike”, tha kompania.

BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0