Studimi i ri zbulon se përdorimi i Facebook ul mirëqenien tuaj - Business Magazine Albania

Studimi i ri zbulon se përdorimi i Facebook ul mirëqenien tuaj


Në përgjithësi, ndërveprimi social ndihmon njerëzit të krijojnë dhe ushqejnë marrëdhënie. Edhe pse rrjetet sociale janë zgjeruar gjatë dekadës së kaluar, dobësitë e tyre janë bërë të dukshme. Lidhja virtuale mund të çojë në një rënie të marrëdhënieve ballë për ballë dhe aktiviteteve kuptimplota, në një mënyrë jetese të ulët, në varësi ndaj internetit dhe në vetëbesim të ulët.

Përdoruesi mesatar i Facebook shpenzon pothuajse një orë në platformë çdo ditë dhe një studim i fundit nga Deloitte tregoi se gjëja e parë që shumë persona me një smartphone bëjnë kur zgjohen në mënges është hyrja në këtë aplikacion të medias sociale.

Një studim nga studiuesit e Yale University dhe Universitetit të Kalifornisë, San Diego, zbuloi se përdorimi i Facebook ndikon në mirëqenien e një personi. Duke analizuar të dhënat e 5,208 të rriturve gjatë një periudhe dy-vjeçare, studiuesit gjetën se mirëqenia e një përdoruesi mesatar të Facebook ulet me kohën.

Gjatë periudhës dy-vjeçare, hulumtuesit mblodhën të dhëna në tri valë. Çdo herë, ata matën mirëqenien e një personi – e bazuar në faktorë të tillë si kënaqësia e jetës, vetë-raportimi i shëndetit mendor dhe fizik dhe indeksin e masës trupore. Ata krahasuan këto të dhëna të përdorimit të Facebook-ut për çdo person, duke marrë parasysh të anketuarit kur pëlqenin postimet e të tjerëve, kur krijonin postime dhe kur klikonin mbi linqe.

Gjithashtu, për të krijuar një ide të botës reale me atë virtuale në rrjetin social, hulumtuesit pyetën të anketuarit për të dhënë emrat e 4 miqve, me të cilët diskutonin tema të rëndësishme dhe 4 miq me të cilët kalonin kohën e tyre të lirë.

Asgjë nuk mund të zëvendësojë një marrëdhënie reale, zbuluan studiuesit. Marrëdhëniet e botës së vërtetë ishin të lidhura pozitivisht me mirëqenien e përgjithshme të një personi, ndërsa ndërveprimet me Facebook janë të lidhura negativisht me mirëqenien e përgjithshme. Dhe ndërsa studiuesit pritën që vetëm veprimet e pëlqimeve të Facebook të kishin ndikim të fortë negativ mbi mirëqenien e dikujt, ata zbuluan se të tre veprimet (klikimi i linqeve, pëlqimi i postimeve të të tjerëve, krijimi i postimeve) ishin të lidhura në mënyrë të ngjashme me zvogëlimin e mirëqenies.

Në përgjithësi, ata zbuluan se rënia e mirëqenies është një produkt i jo vetëm cilësisë së ndërveprimeve të tyre në mediat sociale, por gjithashtu edhe i sasisë së kohës së shpenzuar për to.

Kompanitë e rrjeteve sociale mundohen që të nxitin lidhje offline me vlerë dhe të shëndetshme. Themeluesi i Facebook Mark Zuckerberg botoi një letër në muajin shkurt ku përshkruan vizionin e tij për Facebook, si një platformë që ndërton sisteme për mbështetjen e vërtetë të jetës. Tinder ka zhvilluar kohët e fundit produkte të reja në kuadër të aplikacionit të saj për të inkurajuar përdoruesit të takohen personalisht.

“Ndërsa koha që përdorim online mund të jetë problematike, gjëja e ndërlikuar në lidhje me mediat sociale është se, ndërsa ne jemi duke e përdorur atë, kemi përshtypjen se jemi të angazhuar në ndërveprimin kuptimplotë social,” shkruajnë Holly B. Shakya dhe Nicholas A. Christakis për Business Revieë Harvard. “Rezultatet tona sugjerojnë se natyra dhe cilësia e kësaj lloj lidhjeje nuk është zëvendësim për ndërveprimin e botës reale që na nevojitet për një jetë të shëndetshme.”

burimi: Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0