Startup-et më të financuara në Europë, mes tyre dhe një shqiptar

CB Insights ka nxjerrë startup-et më të financuara në Europë, duke përfshirë dhe unicorns si Klarna e Suedisë dhe Cabify e Spanjës. Europa është shtëpia e startup-ve më të spikatura dhe e qendrave të inovacionit në qytete si Berlin, Stokholm dhe Londër. Megjithatë, bumi i teknologjisë po shpërndahet në të gjithë kontinentin dhe startup-et po dalin përtej kufijve të teknologjisë së themeluar.

Që nga viti 2012, gati 55 miliardë $ janë investuar në më shumë se 7,200 marrëveshje të kapitalit për startup-et teknologjike në kontinentin europian.

Kjo përfshin investime në kompanitë kryesore të teknologjisë, si shkëmbimi i makinave të përdorura online Auto1 Group në Gjermani, ofruesi i pagesave online Klarna në Suedi dhe kompania Cabify në Spanjë.

Duke përdorur të dhënat e CB Insights, ne identifikuam startup-et më të financuara të teknologjisë së mbështetur nga VC në secilin vend në Europë, bazuar në fondet e zbuluara të kapitalit.

Lexoni: Gjirafa do të dixhitalizojë Ballkanin. Kompania kosovare financohet 6.7 milionë dollarë nga Rockaway Capital

Mes startup-ve më të financuara është dhe Gjirafa, me 8.7 milionë dollarë investime. Gjirafa u lançua në datën 9 Tetor 2014. Ajo ka zhvilluar një motor kërkimi, që ndryshe nga Google zgjidh disa probleme që dalin nga gjuha unike dhe komplekse që përdorin shqiptarët.

Kompania ka fituar të drejtën e financimit prej 6.7 milionë dollarësh kohët e fundit nga Rockaway Capital për dixhitalizimin rajonal.

/cbinsights