Gjirafa do të dixhitalizojë Ballkanin. Kompania kosovare financohet 6.7 milionë dollarë nga Rockaway Capital - Business Magazine Albania

Gjirafa do të dixhitalizojë Ballkanin. Kompania kosovare financohet 6.7 milionë dollarë nga Rockaway Capital


Gjuha shqipe, është thelbi i suksesit të nismës së Mërgim Cahanit me Gjirafa. Kompania sapo ka fituar të drejtën e financimit gati 7 milionë dollarë për dixhitalizimin rajonal.

Nuk ka asgjë më të bukur se krijimi i një startup-i në një gjuhë të veçantë, për të nisur suksesin dhe kjo është pikërisht ajo që ndodhi me rastin e Gjirafa“, shkruan techcrunch.com.

Duke u fokusuar ekskluzivisht në vendet shqipfolëse, bashkëthemeluesi dhe CEO i Gjirafa, Mergim Cahani filloi të zhvillojë një motor kërkimi në gjuhën shqipe dhe pastaj dixhitalizoi informacionin e vendit, nga oraret e autobusëve në një bazë të dhënash te bizneset dhe më gjerë.

Investitorët u tërhoqën nga kjo ‘qasje në tregjet në zhvillim’ dhe vendosën të financonin një vlerë prej 2 milionë dollarësh tre vjet më parë për të “rritur ekonominë e internetit të Ballkanit”, duke dixhitalizuar dhe indeksuar informacionin në Shqipëri dhe Kosovë, duke e bërë Gjirafa udhëheqës rajonal në kërkim, e-commerce dhe reklamim online.

Sot ajo ka 3 milionë përdorues unikë mujorë në të gjithë shërbimet e saj dhe tani ka marrë një raund të dytë financimesh prej 6.7 milionë $ nga Rockaway Capital, e cila ka mbështetur kompaninë që nga viti 2016. Fondet e reja kanë për qëllim shkallëzimin e produkteve aktuale në rajon.

Raundi i dytë i financimeve do të lejojë që kompania të dyfishojë skuadrën e saj aktuale (aktualisht në 70 me orar të plotë dhe rreth 100 në total me kohë të pjesshme), të zhvillojë produktet ekzistuese në rajon dhe të ofrojë shërbime të tjera dixhitale që nuk janë në dispozicion në rajon.

Lexo: Gjirafa përzgjidhet në mesin e Top 13 Startup-ve në Europë dhe Unicorn i ardhshëm

Dušan Zábrodský, partner i investimeve në Rockaway, thotë: “Mergim Cahani dhe ekipi i tij kanë vërtetuar besimin tonë dhe me të vërtetë kanë arritur të ndërtojnë një koleksion të inovacionit për të gjithë rajonin. Falë kësaj përvoje shumë pozitive ne jemi të vendosur të ndërtojmë një ekonomi dixhitale në rajon dhe në mënyrë aktive po eksplorojmë mundësi të reja investimi ku mund të përdorim njohuritë tona për të dixhitalizuar industritë tradicionale”.

Ai thotë se investimi i grupit Rockaway është afatgjatë dhe strategjik, sepse mendojnë se Gjirafa mund të bëhet një platformë/rrjet i tërë shërbimesh që do të përdoren në të gjithë rajonin.

Duke përdorur të njëjtën strategji, Rockaway më parë ka financuar me sukses në rajonin DACH, ku ka ndërtuar një grup udhëtimesh online nën markën e Invia Group dhe në fushën e e-commerce nëpërmjet Mall Group, e cila operon në shtatë tregje në rajonin e EQL. Këto grupe kanë kontribuar ndjeshëm në të ardhurat e Rockaway, që tejkaluan pragun prej 2 miliardë eurosh në vitin 2018.

Gjirafa është bërë platforma më e madhe e-commerce në rajon që ka një produkt kryesor OTT (over the top): GjirafaVideo dhe GjirafaStudio, ekuivalente me Hulu dhe Netflix; duke prodhuar përmbajtje vetjake dhe aktualisht ka rreth 1 milion minuta video të konsumuar në ditë dhe mbi 80 kanale live në internet.

Gjirafa, Inc, është kompania me rritjen më të shpejtë në rajon me rritje vjetore prej 314%. Për ta kuptuar këtë: kur treguesit e GDP normalizohen për rajonin e Ballkanit në krahasim me SHBA, ajo ka një rritje ekuivalente të të ardhurave siç ka pasur Google në periudhën 2001-2004 dhe vazhdon në të njëjtën rrugë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0