Gjirafa përzgjidhet në mesin e Top 13 Startup-ve në Europë dhe Unicorn i ardhshëm


Programi (SEC2SV) i cili është themeluar nga Komisioni Europian dhe Parlamenti Europian në World Economic Forum në 2014, dhe i udhëhequr nga Mind The Bridge, ka ftuar Gjirafën në edicionin e IV të Startup-ve Europianë në Silicon Valley.

Gjirafa renditet si kompania më e suksesshme në rajon në blerjet dhe shërbimet online, mirëpo tashmë hyn edhe në listen e TOP startup-ëve më të suksesshme dhe unikorn i ardhshëm me standarde botërore. Këtë vit Gjirafa është në mesin e top 13 Startup-ëve të Europës, që së bashku numërojnë rreth 1,000 të punësuar dhe kanë pranuar $135 milion investime deri më tani.

Përveç të tjerave, Marco Marinucci, CEO Mind the Bridge tha që: “Krahasuar me edicionet paraprake, ne kemi vërejtur biznese premtuese nga tregjet në rritje të Evropës Lindore si Hungaria, Shqipëria dhe Polonia, si dhe nga vendet më ‘tradicionale’ si Franca, Gjermania, dhe Belgjika.” 

Mërgim Cahani, themelues dhe CEO i Gjirafa, Inc., tregon që “Për ne si vend që jemi shpesh të pa dukshëm në botë nga aspekti i teknologjisë dhe inovacionit, kjo është një arritje jo vetëm për ekipin e Gjirafës, mirëpo edhe për vet ekonominë e vendit. Kjo shkon edhe përtej punës së ekipit të Gjirafës, sepse çdo njëri (përdorues, klient, partner dhe konsumator) duke përdorur shërbimet e Gjirafës ka bërë që Gjirafa të përzgjedhet ndër Top Startup-ët në Europë.”  

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale