Spotify/ Si dhe sa paguhen këngëtarët në këtë platformë - Business Magazine Albania

Spotify/ Si dhe sa paguhen këngëtarët në këtë platformë

Sipas CNBC, artistët mund të fitojnë $0,006 deri në $0,0084 për një dëgjim (stream). Sipas Information in Beautiful, shifra është $0,00437/stream dhe me një matematikë të thjeshtë, për 1000 streams, një artist fiton afërsisht nga $4,37 – $8,4. Nisur nga kjo, Spotify është një nga platformat që paguan më pak, por është shumë herë më mirë se YouTube, i cili ka politikat më të këqija për pagesën e artistëve.

Për një klikim, YouTube jep $0,00069. Sidoqoftë, të dhënat mund të jenë fitimprurëse në rast se artistët zotërojnë të drejtat e plota të këngëve. Spotify u jep 70% të të ardhurave personave që kanë të drejtën e këngës.

Aplikacioni numëron rreth 130 milionë përdorues me pagesë dhe ofrohet në më shumë se 101 vende të botës. Nga data 15 Korrik u bë i disponueshëm përfshirë edhe disa vende të tjera të Ballkanit Perëndimor si Serbia, Kroacia, Bosnje Hercegovina dhe Maqedonia e Veriut. Shërbimi i muzikës digjitale shtoi 6 milionë abonentë me pagesë vetëm gjatë periudhës së izolimit të koronavirusit, ndërsa në total numri i përdoruesve aktivë të platfomës u rrit me 31%.Aplikacioni Spotify është një prej shërbimeve të  muzikës me rritjen më të shpejtë dhe në shtetet ku do të ofrohet së fundi ka qenë i padisponueshëm.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0