Në dy vitet e ardhshme shtimi i investimeve në infrastrukturë përcaktohet si një reformë kyçe për ecurinë ekonomike të vendit edhe pse dy vitet e fundit qeveria nuk ka nisur asnjë projekt të ri.
Në raportin e reformave ekonomike 2016-2018 theksohet se përmirësimi i rrugëve, porteve dhe i hekurudhës janë të domosdoshme për të rritur shkëmbimet tregtare dhe të ardhurat në buxhet. Por mesa duket gjatë këtij viti ky rekomandim është i pazbatueshëm. Gjatë vitit 2016 në buxhetin e shtetit, shpenzimet janë parashikuar 452.1 miliardë lekë, me një rënie prej gati 1% në raport me një vit më parë.
Përmirësim kërkohet edhe në infrastrukturën e porteve, të cilat do të mundësonin më pas ankorimet e anijeve më të mëdha të mallrave, çka do sillte rritjen e vëllimit të mallrave, numrit të pasagjerëve dhe do të ulë koston e transportit. Po ashtu kërkohet që në dy vitet e ardhshme me prioritet të jetë edhe hekurudha dhe sidomos në aspektin lidhës me vendet e rajonit.
Për ndërtimin e rrugëve sipas buxhetit afat mesëm janë parashikuar në total 188 milionë lekë. Për transportin ajror janë parashikuar 886 milionë lekë, për atë hekurudhor 669 milionë dhe për atë detar 3.3 milionë lekë. Shuma këto të cilat do të investohen gjatë viteve 2016-2018.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
