Smartwatch i Samsung tashmë mund të masë edhe presionin e gjakut, bën të ditur kompania. Kompania ka lëshuar aplikacionin Samsung Monitor Health, i cili lejon orën ”Galaxy Watch Active2” të zbulojë presionin e gjakut të përdoruesit, pas aprovimit nga Korea e Jugut, dhe tani për tani ajo është në dispozicion vetëm në Korenë e Jugut.
Për të monitoruar presionin e gjakut, përdoruesit së pari duhet të kalibrojnë orën inteligjente me një matës tradicional. Pasi të keni mbaruar, ora do të përdorë sensorin e rrahjeve të zemrës për të përcaktuar presionin e gjakut.
Aplikacioni i Samsung për të monitoruar shëndetin do të sjellë gjithashtu mundësinë e bërjes së elektrokardiogramës, një funksion tashmë i pranishëm në Apple Watch. Elektrokardiograma do të jetë në dispozicion në tremujorin e tretë, përmes një përditësimi, por edhe në këtë rast lëshimi do të jetë i kufizuar për në Korenë e Jugut.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
