“Slack Technologies” publikoi një version të ri të aplikacionit popullor për bizneset dhe sipërmarrjet Slack me shpresën se do të sigurojë më shumë kontrata korporatash.
Shërbimi i prezantuar ditën e Martë në San Francisco është dieznjuar për të përmbushur të gjitha nevojat e komunikimit të një kompanie me qindra dhe mijëra punonjës.
Slack Enterprise Grid sjell disa funksione të reja sigurie të cilat janë një domosdoshmëri për departamentet e teknologjisë së informacionit.
Aplikacioni origjinal i Slack i dedikohej kryesisht grupeve të punës në kompani dhe biznese të vogla por që kjo nuk e ka penguar të sigurojë kontrata nga Electronic Arts dhe Samsung.
Adoptimi i shpejtë i Slack inkurajoi investitorët të dërgonin vlerën e tij në 4 miliardë $ vitin e kaluar. Por shumica e kompanive të mëdha ishin skeptikë për migrimin e plotë drejt Slack pikërisht për shkak të mungesës së funksionaliteteve të avancuara të sigurisë.
Konkurrenca në këtë hapësirë nuk mungon. Microsoft, Facebook, Google dhe Atlassian kanë që të gjithë produktet e tyre të ngjashme. Slack numëron 5 milionë përdorues ditorë nga ku 1.5 milionë janë me pagesë.
Slack është një platformë ku punonjësit mund të dërgojnë mesazhe, të bashkëpunojnë, organizojnë dhe shpërndajnë skedarë. Teknologjia është e integruar edhe me shërbime nga palë të treta si Salesforce dhe Skype.
Burimi: insajderi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
