Sa të qetë jeni po të dilni në televizion? Kur ju jepet mundësia të shfaqeni në një program televiziv para një publiku të gjerë, a përfitoni nga ky shans apo e keni me frikë?
Pavarësisht nëse paraqiteni mirë apo keq para syrit të publikut, ju keni mundësi ta përmirësoni daljen tuaj nëse përgatiteni. Ky është rasti i themeluesit të Facebook, Mark Zuckerberg, i cili e ka rritur nivelin e paraqitjes në televizion me kalimin e viteve.
Shikoni se si ka ndryshuar dalja në ekran e Mark Zuckerberg nga momentet e themelimit të Facebook deri në ditët e sotme. Ka disa mësime që gjithsecili prej nesh mund të përfitojë.
1. Qershor 2005
Kjo është intervista e parë e Mark Zuckerberg. Ai duket që i pëlqen të pijë birrë dhe shpjegon që “The Facebook” do të përqendrohet te studentët. Idea e tij për t’u fokusuar në atë që bën më mirë ka kuptim, ose kishte në atë periudhë. Gjithsesi, ky është një shembull i mirë që asnjëherë nuk duhet të përjashtojmë mundësi të reja.
2. Janar 2008
Në emisionin e njohur amerikan “60 minutes” prezantuesja Lesley Stahl e prezanton Zuckerberg-un si Larry Page ose Sergey Brin-in e ardhshëm. Pas disa sekondash, ajo nuk merr asnjë përgjigje, por thjesht një shikim të gjatë. Pse po më shikon mua? – pyet prezantuesja. A ishte kjo një pyetje?- përgjigjet Zuckerberg. Të gjithë e dinë se nuk të ftojnë në një emision televiziv për t’u ulur në një karrige dhe parë prezantuesen. Kjo ishte marrdhënia me televizionin në hapat e parë të Mark Zuckerberg.
3. Prill 2011
Megjithëse bën shaka për nervozizmin që ka, Mark Zuckerberg ndjehet i qetë gjatë pritjes që i bën Presidentit Amerikan Barack Obama në Facebook. Për themeluesin e Facebook është më e lehtë të bëjë pyetjet se sa t’u përgjigjet atyre.
4. Tetor 2012
6 muaj pasi Facebook kishte dalë në bursë, aksionet e saj kishin rënë 40%. Gazetari i NBC-së Matt Lauer e ngacmon Mark Zuckerberg-un me pyetje për sa i përket humbjeve të punonjësve dhe investitorëve. Pavarësisht qëllimit të gazetarit, Zuckerberg-u nuk ra në grackën e tij por u tregua i qetë dhe profesionist në përgjigjet që dha. Një figurë publike sapo kishte lindur.
5. Shkurt 2015
Mark Zuckerberg duket plotësisht i sinqertë dhe profesional kur flet për Internet.org me gazetaren e Bloomberg Emily Chang. Ai është kthyer tashmë në një figurë publike që ndjehet i mësuar përballë kamerës.
Kjo na jep shpresë të gjithëve. N.q.s Mark Zuckerberg ia doli ta shndërronte paraqitjen e tij në televizion nga një djalë që nuk ndjehej rehat kur intervistohej në një komunikues të zotin, gjithsecili prej nesh mundet.
/Artikulli u publikua më parë në faqen 14 të numrit 10 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 10 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
