Si u rrit portali Mundësi.al? - Intervistë me Edona Daçi, themeluese e saj - Business Magazine Albania

Si u rrit portali Mundësi.al? – Intervistë me Edona Daçi, themeluese e saj


BM: Si ndodhet momentalisht Mundësi.Al? Si është krahasuar ai me disa vite më parë?

Mundësi.al nga një “bebe” e lindur në verën e vitit 2015, tashmë ka hedhur hapat e parë, fort të sigurt në tregun shqiptar të online-it. Padiskutim që ka rritje të konsiderueshme të numrit të klikimeve si dhe të kontratave me biznese të ndryshme. Por ajo çfarë është më e rëndësishme, është rritja e nivelit të përfitimit nga të interesuarit lidhur me mundësitë që ofron Mundësi.Al. Janë me qindra persona të cilët përmes Mundësi.al kanë përfituar bursa, mundësi punësimi, trajnime e praktike, grante dhe konkurse.

BM: A i keni realizuar objektivat që kishit vendosur në fillimet tuaja?

Mendoj se Mundësi.al i ka realizuar objektivat afat-shkurtër dhe ato afat-mesëm. E ndërsa jemi duke punuar akoma më shumë për këto të fundit dhe objektivat afat-gjatë, vlen të theksoj se fokusi kryesor ka qenë dhe do të jetë impakti sa më i madh i këtyre mundësive të shpërndara përmes portalit tek çdo i interesuar.

Lexoni: Edona Daçi – Ju prezantoj me Portalin e mundësive në shërbim të të rinjve

BM: Me çfarë vështirësish jeni hasur gjatë rrugëtimit tuaj?

Gjatë rrugëtimit 3-vjeçar patjetër që ka patur sfida e vështirësi nga më të ndryshmet, e ku do të veçoja ‘problemet’ e marketingut online në Shqipëri, të cilat kanë ndikuar edhe në punën e Mundësi.al. Thënë kjo, “tregu” online shqiptar kryesisht është i fokusuar në pasqyrimin e lajmeve të përditshme ose showbizzit dhe të qenurit një website ndryshe nga të tjerët, shpesh të shkaktonte përballjen me një skepticizëm lidhur me bashkëpunime të mundshme me universitete apo biznese që dëshironin të ishin të promovuar online.

BM: A keni marrë mbështetje nga ndonjë projekt apo institucion publik gjatë kësaj kohe?

Bashkia Tiranë ka mbështetur Mundësi.al përmes një granti në kuadër të skemës për mbështetjen e grave dhe vajzave sipërmarrëse. Në fakt ishte një mbështetje që i shërbeu faqes për të rritur stafin dhe menaxhimin më të mirë të saj. Ndërkohë ne bashkëpunojmë ngushtësisht edhe me institucione të tjera publike.

BM: Cilat janë planet tuaja për në vazhdimësi? Si keni menduar ta zhvilloni më tej biznesin tuaj?

Plani më i parë mbetet përmbushja e objektivit që Mundësi.al të jetë e pranishme edhe fizikisht pranë të interesuarve. Nga ana tjetër, Mundësi.al do të zhvillohet më tej edhe përmes bashkëpunimit me universitete, qendra kursesh/trajnimesh apo ofrues të tjerë shërbimesh në fushën e arsimimit dhe zhvillimit profesional.

BM: Faleminderit për intervistën! Ju urojmë shumë suksese.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0