Si t'i organizojmë më mirë punët në zyrë

Si t’i organizojmë më mirë punët në zyrë


Rendimenti lidhet ngushtësisht me efikasitetin dhe është një prej elementeve kyç që ndikon në ecurinë e një kompanie. Një organizim i mirë i punës tuaj rrit rendimentin dhe ndikon direkt në ecuri. Ja disa mënyra se si të organizoni një ditë normale në punën tuaj:

Filloni ditën me ide të qarta – Kontrolloni postën elektronike. Përgjigjuni email-eve dhe dërgojini pjesën më të madhe të email-eve që në fillim të ditës, në mënyrë të tillë që të merrni edhe përgjigje sa më shpejt. Skeduloni detyrat tuaja më të rëndësishme, duke caktuar përbri secilës kohën që mund të marrë. Mbi të gjitha, mos harroni të hiqni nga lista juaj punët  që kanë përfunduar.

Lexo: Trajnim për ekspertë fiskalë

Përcaktoni kohën e nevojshme për punët – Përcaktimi i punëve në kohën e duhur, do t’ju ndihmojë që të keni kohë të mjaftueshme për të mbyllur të gjitha prioritetet e ditës. Këshillohet që renditja e tyre të fillojë nga ata më me prioritetet tek ato më pak të rëndësishme.

Mos harxhoni kohë në takime të kota – Ka disa takime, të cilat nuk mund t’i shmangni, por ka edhe nga ato ku prania juaj nuk është e nevojshme. Nëse mund të mbaroni punë me një email apo me një telefonatë, bëjeni dhe do ta shikoni që në fund të ditës, një zgjedhje e tillë do t’ju duket ajo e duhura. Nëse do të kishit lëvizur për të shkuar në një takim jo shumë të rëndësishëm, nuk do të kishit përfunduar një punë tjetër, e cila mbetet për nesër.

Gjeni kohë për të pushuar gjatë ditës – Nuk këshillohet të vraponi nga një takim në tjetrin apo nga një projekt në tjetrin, sepse një gjë e tillë nuk është aspak produktive. Këshillohet që gjatë orarit të punës të bëni pushime, shkëputje.  Kjo do t’ju ndihmojë të fitoni energjitë e humbura dhe të rifilloni punën nga e para.

Lexo: Çfarë tregon posta juaj elektronike në lidhje me personalitetin tuaj

Përpiquni të mos shpërqëndroheni – Kur duhet të hartoni raportin përmbyllës të një projekti këshillohet që t’i fikni të gjitha pajisjet që mund t’ju shpërqëndrojnë.  Duke filluar që nga telefoni i zyrës, celulari dhe madje edhe email-et, këshillohet që të mos i shikoni gjatë asaj kohe, pasi raportin nuk do ta mbyllni dot ose të paktën jo ashtu siç duhet.

Inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0