Si të përcaktoni çmimet për shitjen e produkteve tuaja?


Çdokujt që i është nevojitur një softuer, e di se çmimet janë shumë të larta dhe dy programe pothuajse me funksionalitete të njëjta mund të kenë çmime të ndryshme. Nga vijnë këto çmime dhe çfarë duhet të kemi parasysh?

Fakti i thjeshtë është se nuk ka “çmim më të mirë” për një softuer. E gjitha varet nga modeli juaj i biznesit, nga audienca juaj e mundshme dhe baza e klientëve dhe nga konkurrenca juaj. Përcaktimi i pikës suaj të çmimit ideal nënkupton analizimin e këtyre dhe faktorëve të tjerë.

Lexoni: Ky inxhinier software po lufton ndotjen e ajrit me një aplikacion

Liçencë e vetme apo pagesë mujore?

Një nga pyetjet e para që bëhet është nëse do të bëhet një blerje e vetme për një liçencë, ose një tarifë mujore për një model Software-as-a-Service.

Aplikacionet web vitet e fundit po shkojnë drejt pagesave mujore, aq shumë sa është e rrallë të shikosh një program modern që thjesht mund ta blesh. Edhe paketat softuerike që historikisht i blije njëherë e mirë, duke filluar nga aplikacionet krijuese të Adobe, deri te videolojërat, po lëvizin gjithnjë e më shumë drejt pagesave mujore.

Pagesat mujore kanë dobi të një fitimi më të lartë, duke supozuar që subscribers tuaj të qëndrojnë gjatë me shërbimet tuaja. Gjithashtu, blerja më e ulët ka më shumë gjasa të tërheqë klientë të caktuar, sidomos sipërmarrësit individualë dhe bizneset e vogla me buxhete më të vogla.

Nga ana tjetër, zakonisht ekziston një perceptim se një produkt me çmim më të ulët është disi jo aq i mirë sa një produkt me çmim më të lartë dhe kjo ka bërë që markat me vendosmëri të tarifojnë programet apo produktet e tyre me çmime më të larta. Kjo mund të jetë një problem për konsumatorët, të cilët nuk mund të përballojnë çmimet e larta.

Argumenti në favor të një çmimi të vetëm të blerjes mbështetet në programin që blihet. Nëse përdoruesi duhet të blejë softuerin, ta instalojë atë në nivel lokal dhe ta mbajë atë në nivel lokal dhe nuk duhet të mirëmbajë serverat e aplikacioneve web ose të bëhen mikro-përditësime, ka më shumë gjasa që të merrni një tarifë të vetme për softuerin.

Studioni konkurrencën

Analiza e konkurrencës është gjithmonë një pjesë e rëndësishme e shitjes së çdo produkti dhe zgjedhja e një çmimi për softuerin tuaj nuk ndryshon nga kjo. Ju dëshironi të dini se cilat janë markat e tjera që ofrojnë programe të ngjashme dhe me cilat çmime po i shesin. Përgjigjuni këtyre tre pyetjeve për secilin konkurrent:

  • Cilin model çmimi dhe cilën tarifë po përdor konkurrenti juaj?
  • Çfarë karakteristikash ofron konkurrenti juaj që ju nuk i ofroni dhe anasjelltas?
  • Cilën lloj audience po synon konkurrenti juaj?

Dy aplikacione pothuajse identike mund të kenë çmime shumë të ndryshme dhe të dyja të jenë të suksesshme, thjesht duke synuar audienca të ndryshme. Njëra synohet për klientët e bizneseve të vogla dhe arrin suksesin nëpërmjet volumit, ndërsa të tjerët synojnë klientët e ndërmarrjeve dhe arrijnë suksesin përmes çmimit. As modeli nuk është në thelb më i mirë se tjetri.

Në fakt, një çmim më i lartë shpesh është thelbësor për të tërhequr një klient në nivel ndërmarrjeje. Këto kompani paguajnë qindra apo mijëra dollarë në muaj për shërbimet e tyre të klasës së biznesit, kështu që shpesh ata nuk do të marrin në kosideratë produktet me çmim të ulët. Në mendjen e tyre, një kompani që tarifon atë pak mund të duket e pamundur që të jetë në gjendje të trajtojë një klient më të madh, ose cilësia e shërbimit të saj duket të jetë më e ulët.

Lexoni: Si mund të bindni konsumatorët të blejnë tek ju pa marrë parasysh çmimin?!

Përcaktoni minimumin tuaj

Produkti juaj duhet të ketë një pikë minimale absolute të çmimit që mund të përdorni si një bazë. Për softuer, kjo është e ndërlikuar për t’u llogaritur. Me produktet fizike, thjesht mund të llogarisni koston e lëndëve të para, prodhimin e artikullit dhe kostot e tjera që shkojnë në dizenjimin dhe dërgesën e produktit.

Me softuer, ju nuk keni lëndë të parë ose madje edhe dërgesë, shumicën e kohës. Në vend të kësaj, metrika juaj primare është tarifa e orëve dhe numri i orëve të ngarkuara nga zhvilluesit tuaj. Për produktet SaaS, ju duhet gjithashtu të konsideroni mirëmbajtjen e serverit, zhvillimin e vazhdueshëm dhe kostot e tjera të tilla.

Llogaritni kostot e para të produktit tuaj si një të tërë dhe përcaktoni se çfarë çmimi do të ishte i arsyeshëm për konsumatorët. Ndani kostot sipas numrit të zhvilluesve për të kuptuar se sa shumë do të duhet të paguajë çdo klient.

Mos kini frikë të testoni

Në marketing, ne e ndajmë testimin në gjithçka që ka të bëjë me reklamat dhe landing pages. Pse të mos bëni të njëjtën gjë për çmimet e softuerit? Është kompania juaj dhe softueri juaj; ju mund ta ndryshoni çmimin tuaj kur të doni.

Pra, nisni me çmim të ulët dhe ngriheni atë gjatë kohës, derisa konsumatorë të rinj të vijnë t’ju trokasin në derë. Ju gjithashtu mund të nisni me çmime të larta dhe të filloni t’i ulni ato gradualisht, në mënyrë që të favorizoni klientët tuaj afatgjatë. Ju mund të vendosni çmime të reja duke ofruar funksionalitete të reja.

Nëpërmjet analizës së kujdesshme, studimit të një shumëllojshmërie faktorësh, mund të përcaktoni një nivel të përshtatshëm çmimi për softuerin tuaj.

Lexoni: Për festa… negocioni pagën tuaj

burimi: Entrepreneur

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale