Si të nisni një startup në Tiranë?


Europa ka shumë për të ofruar për të frymëzuar sipërmarrësit e rinj. Një nga diamantet e saj është kryeqyteti i Shqipërisë: Tirana.

Tirana u themelua në vitin 1614 dhe u shpall kryeqytet i Shqipërisë në vitin 1920 ndërsa sot qyteti është zemra e Shqipërisë. Duke pësuar një transformim me përmasa të jashtëzakonshme që kur u “zgjua” nga gjumi komunist në fillim të viteve 1990, Qendra e Tiranës tani nuk njihet, me ndërtesat e lyera në ngjyra të ndezura ndërsa në sheshet publike dhe rrugët ke dëshirë të endesh. Me zë të lartë, e çmendur, me pluhur dhe ballkanike – Tirana është gjithmonë e zhurmshme.

Eksplorimi i zemrës së Shqipërisë

Shqipëria është e vendosur mes Europës Perëndimore dhe Lindore ndërsa kryeqyteti i saj është vetëm 30 km larg nga porti më i rëndësishëm i Shqipërisë. Ky pozicion e bën të mundur arritjen në Itali me një traget (271km distancë), Greqia është më pak se 200 km larg, Kosova 162 km, Mali i Zi 106km dhe Maqedonia 104 km.

Edhe pse është e vështirë për t’u përcaktuar numri i saktë i studentëve në Tiranë, ajo është konsideruar si “ajka” e studentëve të IT dhe ekonomisë, pa llogaritur studentët nga universitetet private.

Fusha e pashkelur e startup-eve ka përjetuar një rritje të shpejtë në katër vitet e fundit dhe studentët janë më të etur për të shkuar në këtë drejtim, duke i bërë ata të përsosur për të punësuarit dhe bashkë-themeluesit e ardhshëm.

Popullsia e Shqipërisë në përgjithësi dhe njerëzit e rinj në veçanti, janë multilingual: gjuha angleze dhe ajo italiane janë gjuhët e huaja më të folura nga rinia shqiptare; por Gjermanishtja, Frengjishtja, Greqishtja dhe Spanjishtja nuk qëndrojnë mbrapa.

Edhe pse avantazhet e përmendura e bëjnë Tiranën një qytet tërheqës për të themeluar një startup, ka disa gjëra që ju duhet të mbani parasysh: Shqipëria ka një popullsi tepër të vogël, duke numëruar rreth 3 milionë banorë. Fuqia blerëse jashtë Tiranës ulet në mënyrë drastike. Pra, në qoftë se ju doni të themeloni startup-in tuaj në Tiranë është më mirë të filloni me pak, por të mendoni globalisht.

Lajm i mirë: shpenzimet janë shumë të ulëta: regjistrimi në QKR është vetëm 1 euro. Lajme të këqija: bizneset (sidomos ato të vogla) duhet të parapaguajnë taksën e bazuar në pritje.

*Përshtatur nga stafi i Business Magazine Albania

start-up-guide-Shqipppppppp

Burimi: magazine.startus.cc

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale