Si mund të rrisni produktivitetin dhe përqëndrimin në punë? - Business Magazine Albania

Si mund të rrisni produktivitetin dhe përqëndrimin në punë?


Përmirësoni fokusin dhe produktivitetin tuaj duke provuar një nga këto teknika për të krijuar një mjedis pune pa shkëputje.

Një studim i kohëve të fundit tregoi se duhen deri në 23 minuta që të riktheheni nga një shpërqendrim, kështu që nuk është çudi që mjediset e punës të mbushura me punë dhe të pasura me objekte me shkëlqim mund të ulin produktivitetin tuaj.

Nëse jeni mbërthyer në një ambient të tillë, Business Magazine ka përgatitur këtë artikull, në mënyrë që ju të zvogëloni shpërqëndrimet e kota dhe të jeni më të fokusuar në punën tuaj:

1. Vendosni kufje, por mos dëgjoni muzikë. Kufjet zvogëlojnë zhurmën dhe gjithashtu shërbejnë si pengesë nga njerëzit që ju bezdisin. Sa më të mëdha kufjet, aq më mirë.

Lexo: Dëgjoni muzikë ndërkohë që punoni ose studioni? Ja çfarë i ndodh trurit tuaj gjatë kësaj kohe…

2. Vendosni një shenjë në derën ose tryezën tuaj duke shkruar “të zënë” për t’i bërë njerëzit të ditur se nuk duhet t’ju shqetësojnë.

3. Vendosni kohën se kur duhet të fokusoheni në zyrë për orë të caktuara të ditës ose javës, ku të gjithë pajtohen që të mos shqetësojnë ose të shpërqendrojnë të tjerët.

4. Fikni njoftimet në telefonat apo shfletuesit tuaj për një periudhë kohore gjatë ditës. Mund të përdorni autoresponders për t’i lënë njerëzve të ditur se kur do të ktheheni tek ata.

Lexo: Shkenca thotë: “Multitasking është duke e lodhur trurin tuaj”

5. Planifikoni ditën tuaj në mënyrë të tillë që të punoni me projekte që kërkojnë sasi më të madhe të fokusit gjatë kohës që keni më pak shpërqëndrime.

6. Ushtroni ose bëni një shëtitje para se të uleni për të punuar detyra të rëndësishme dhe të vështira. Kjo praktikë rrit fokusin tuaj dhe nivelin e energjisë.

7. Flini më shumë gjumë në mënyrë që të keni kapacitetin mendor për të qëndruar vigjilent dhe të përqëndruar në punën tuaj.

8. Provoni të praktikoni frymëmarrje të thellë dhe teknika të meditimit për të qetësuar mendjen para se të angazhoheni në projekte.

Lexo: Si arrijnë të bëjnë njerëzit e suksesshëm më shumë gjëra brenda një dite nga sa bëjmë ne brenda një jave?

9. Vendosni mini qëllime dhe shpërblime për realizimin e punëve gjatë ditës.

10. Konsumoni ushqime që rrisin fokusin tuaj mendor dhe që do t’ju japin energjinë që ju nevojitet për të qëndruar produktiv për periudha të gjata kohore.

Ne nuk mund të shmangim gjithmonë çdo shpërqëndrim por ajo që mund të bëjmë është të zvogëlojmë ndjeshëm ekspozimin tonë ndaj gjërave që tërheqin vëmendjen nga puna jonë. Njohja e dobësive tona dhe vendosja e pengesave për t’i eleminuar ato është çelësi.

Burimi: inc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0