Si arrijnë të bëjnë njerëzit e suksesshëm më shumë gjëra brenda një dite nga sa bëjmë ne brenda një jave? - Business Magazine Albania

Si arrijnë të bëjnë njerëzit e suksesshëm më shumë gjëra brenda një dite nga sa bëjmë ne brenda një jave?


“Ti ke të njëjtat orë në ditë sa Beyonce.”

Të gjithë njohim dikë i cili punon me kohë të plotë, është vullnetar, vazhdon studimet dhe gjithashtu gjen kohë për të bërë pazarin, për të gatuar, për t’u argëtuar me familjen dhe për të shkuar në palestër.

Këta lloj njerëzish me super-fuqi kanë të njëjtat orë në ditë sa pjesa tjetër, por pavarsisht kësaj duket se ata arrijnë të përmbushin më shumë detyra. Por si ja dalin?

Përkushtim total

Çfarëdolloj gjëje të jesh duke bërë tani, angazhohu plotësisht.

Kur shihni një vrapues Olimpik në garat me pengesa me shpejtësi mbinjerëzore, a duket ajo/ai i hutuar? Sigurisht që jo! Ajo/ai po investon 100% mbi atë që është duke realizuar.

Përkushtimi të çon drejt madhështisë.

Çfarë bëni kur keni një punë në dorë dhe mendja ju fluturon në hapësira të pazbuluara më parë? Josh Paris, një trajnues për të folurën në publik dhe sipërmarrësit, ju sugjeron ta ktheni vëmendjen duke përdor një shprehje, përshembull të bërtisni “U kthevaa!” sa herë që e kapni veten në mendime larg asaj që duhet të bëni. Ndoshta njerëzit rreth e rrotull do t’iu shohin çuditshëm, por kjo metodë funksionon.

Shmangni multitasking

Emaili juaj, Instagrami, Facebook, videoja për të qeshur e një maceje dhe një faqe e preferuar me veshje me çmime ekonomike – këto janë ndoshta disa nga dritaret që ju keni hapur, të cilat tërheqin vëmendjen tuaj ndërkohë që po punoni për një projekt të rëndësishëm. Nuk ka asgjë të çuditshme, multitasking është një praktikë që e bëjnë të gjithë.

Por mendja e njeriut nuk është projektuar për multitasking. Në fakt, kërkimet kanë treguar se ne jemi shumë të dobët në këtë drejtim. Nëse praktikoni multitasking, ju do të humbisni përqëndrimin, jeni më të prirur për të bërë gabime dhe projektet që keni nisur zgjasin më shumë.

Në mënyrë që të fokusoheni plotësisht, lagohuni ose mbyllni të gjitha shprëqëndrimet. Nëse është e nevojshme kyçeni telefonin në një sirtar. Ju duket ekstreme? Ndoshta është, por ja vlen!

Shoqërohu me njerëz që i bëjnë të gjitha

Një shprehje thotë: “Nëse je personi më i zgjuar në dhomë, atëherë ti je në dhomën e gabuar.” Kështu funksionon për arritjet dhe produktivitetin.

Ka një arsye pse Beyonce shoqërohet me njerëz si Oprah, familjen Obama dhe bashkëshortin e saj Jay-Z. Kur e rrethoni veten me njerëz me energji të lartë dhe me mendime të njëjta, ju rriteni në nivelin e tyre.

Mundohuni të shmangni njerëzit, kolegët madje dhe miqtë të cilët nuk iu japin një energji të mirë. Kjo nuk do të thotë që mos t’iu flisni më kurrë, por tregohuni të kujdesshëm për njerëzit që zgjidhni për të kaluar pjesën më të madhe të kohës. Rrethojeni veten me njerëz të aftë.

Shmangni emocionet

Kur lejoni emocionet negative – si mërzia, zemërimi, zhgënjimi dhe urrejtja – të vlojnë brenda kokës suaj, ju jeni duke shkatërruar veten.

Njerëzit e aftë dinë si të menaxhojnë emocionet e tyre në mënyrë efektive duke parandaluar kështu pasojat negative. Shumë nga këta njerëz përdorin mënyra të ndryshme për të kontrolluar emocionet e tyre, përshembull përmes meditimit, duke shkruar, duke u këshilluar me një person të besuar apo një psikolog, ose me një seancë në palestër duke grushtuar thesin e “nervave”.

Gjeni një startegji që funksionon për ju. Dhe mos harroni që të gjithë ata njerëz të suksesshëm që ju admironi janë njerëz të thjeshtë si ty, me të metat dhe frikërat e tyre.

Siç ka thënë dhe Beyonce, “Unë jam më e fortë në këngët e mia, seç jam në jetën reale.”

Prandaj mos kërkoni perfeksionin, por kërkoni më të mirën tuaj dhe kështu do jeni të suksesshëm.

/BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0