Si i ndryshova traditat e festave për t'iu përshtatur vlerave të mia? - Business Magazine Albania

Si i ndryshova traditat e festave për t’iu përshtatur vlerave të mia?


Duke i bërë Krishtlindjet ndryshe

Gjatë gjithë fëmijërisë sime, gjyshja ime gjithmonë sigurohej që familja t’ia kalonte mirë për Krishtlindje. Për të, kjo do të thoshte që secili të merrte një dhuratë – veçanërisht fëmijët. Ne do të takoheshim në shtëpinë e një të afërmi çdo vit në vigjiljen e Krishtlindjeve dhe do të shkëmbenim dhuratat në mesnatë. Paratë ishin shpesh të pakta dhe shpeshherë bashkë me festat vinte dhe barra e zgjedhjes midis blerjes së dekorimeve, dhuratave dhe pagimit të faturave.

Në Krishtlindjet e para të fëmijëve të mi, dëshiroja që ata të kalonin një periudhë të bukur. I kalova kufijtë gjatë përpjekjes për ta bërë këtë duke blerë gjëra të panevojshme. Pas kësaj, ndalova blerjen e dhuratave.

Por këto ditë po filloj traditat e mia, të cilat përfshijnë vëzhgimin e festës kulturore afrikano-amerikane ‘Kwanzaa’. Kjo nuk do të thotë që nuk mund të festoj Krishtlindjet; por më ka dhënë një qasje të re për ta bërë këtë.

Në vitin 1966, Maulana Karenga krijoi Kwanzaa (që rrjedh nga një frazë suahili që do të thotë «frytet e para»), një festë një javore për të prezantuar dhe përforcuar shtatë vlera – të quajtura ‘Nguzo Saba’-e kulturës afrikane. Karenga është profesor dhe kryetar i Studimeve Africana në Universitetin Shtetëror të Kalifornisë, Long Beach. Ai tha se e krijoi Kwanzaa në mënyrë specifike për afrikano-amerikanët, të cilët nuk kishin një ditë që të festonin historinë dhe përvojën e tyre unike në Shtetet e Bashkuara.

Këtu janë pesë mënyra se si Nguzo Saba mund t’iu frymëzojë për të marrë pjesë në festat, pa u ndjerë financiarisht dhe emocionalisht të tronditur. Rivendosini festat tuaja. Unë e bëra këtë.

  1. Mos blini dhurata – Bëjini vetë ato

Ju nuk duhet t’i dorëzoheni traditës së pazareve ku shpenzoni më shumë seç duhet. Bëni dhurata kuptimplota. Jini kreativë, shprehni një qëllim të caktuar.

[Parimi Kuumba (kreativiteti)] na mëson të bëjmë gjithmonë sa më shumë që të mundemi, në mënyrën që mundemi, ta bëjmë komunitetin tonë më të bukur dhe të dobishëm për gjeneratat e ardhshme që e trashëgojnë atë.

Duke i krijuar vetë dhuratat kursen para dhe është një nga përvojat më të këndshme të dhënies.

  1. Nëse duhet të blini dhurata, blini lokalisht

Punët dhe mundësitë krijohen kur paratë qarkullojnë në nivel lokal. Kjo krijon mjedise më të shëndetshme dhe ndërton komunitetin.

[Parimi Ujamaa (ekonomia bashkëpunuese)] na mëson të ndërtojmë dhe të ruajmë dyqanet tona dhe bizneset e tjera dhe të përfitojmë prej tyre së bashku.

  1. Jini të kujdesshëm me dhuratat tuaja dhe bamirësinë

Kërkoni mundësi vendim-marrëse që ndikojnë në një rezultat. Në ndërtimin e barazisë racore, këto mundësi quhen ‘Pikat e zgjedhjes’. Ato janë një mjet që përdoret për të na ndihmuar të largohemi nga zgjedhjet tona / veprimet tona të vjetra dhe të bëjmë një zgjedhje / veprim të shtyrë nga drejtësia.

[Parimi Ujima (puna kolektive dhe përgjegjësia)] na mëson të ndërtojmë dhe të mbajmë bashkësinë tonë së bashku dhe t’i bëjmë problemet e vëllezërve dhe motrave tona problemet tona dhe t’i zgjidhim ato së bashku.

  1. Merrni pjesë në festimin e festave jashtë komunitetit tuaj

Nëse jeni katolik, vizitoni një kishë protestante, veçanërisht një me njerëz me ngjyrë. Nëse jeni ateist ose agnostik, shkoni me anëtarët e familjes suaj në kishë. Nëse kisha nuk është pjesë e familjes suaj, shkoni së bashku për të vizituar një qendër komunitare ose një organizatë që ndihmon njerëzit në nevojë.

[Parimi Umoja (unitetit)] na mëson të përpiqemi për unitet në familje, në komunitet, në kombësi dhe në prejardhje.

  1. Bëni diçka të veçantë për veten

Ka qenë një vit vërtet i tmerrshëm. Merrni pak kohë për veten tuaj për të reflektuar. Lexoni një libër. Kaloni kohë me miqtë me të cilët nuk keni pse flisni për politikën. Bëni një udhëtim; nuk ka pse të jetë i gjatë dhe larg. Pini verë … ose çaj. Cilat janë qëllimet tuaja personale për të kontribuar në një botë të drejtë dhe të qëndrueshme? Ose shkruani një letër duke i kujtuar vetes të mirën e njerëzimit përballë ngjarjeve katastrofike të vitit. Ëndërroni përsëri.

[Parimi Imani (besimi)] na thotë t’i besojmë me gjithë zemër popullit tonë, prindërve tanë, mësuesve tanë, udhëheqësve tanë, drejtësisë dhe fitores së luftës sonë.

burimi: upliftconnect

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0