Shenja që ju identifikon si një udhëheqës i shkëlqyeshëm
Përditësuar së fundmi: 14/09/2019

Shenja që ju identifikon si një udhëheqës i shkëlqyer

Share
nga Amantia Kullolli
Sht 14, 2019

Kur mendoni për udhëheqje të mirë, a shfaqet ndonjëherë durimi si një forcë kryesore e udhëheqësve të mëdhenj?

Durimi mund të jetë një nga tiparet më të vështira për t’u zotëruar personalisht dhe profesionalisht për shkak të presionit të madh që u bëhet drejtuesve për të gjeneruar rezultate të shpejta dhe efektive.

Durimi shihet madje si një sjellje që shkon kundër kulturës së vendit të punës. Udhëheqësit nxisin për të punuar shumë dhe shpejt. Ndërsa një vend pune pa udhëheqës është në rrugën e duhur drejt një ambienti toksik.

Lexo: Si të jeni një udhëheqës i përsosur

“Pse-ja” e durimit

Drejtuesit me durim të lartë mund të shihen si të butë ose lehtësisht të manipuluar, kur në të vërtetë ata shpesh janë mentorë të mirëfilltë, vendimmarrës të fortë dhe anëtarë të ekipit të zhytur në mendime. Ata kanë aftësinë të zgjidhin problemin përmes perspektivave të shumta. Edhe më e rëndësishme, këta udhëheqës dinamikë dhe të brendshëm mund të ofrojnë ekuilibër për nxituesit që përbëjnë shumicën.

Për të kuptuar se si udhëheqja me durim mund të ndikojë pozitivisht në një biznes, Will Bartholomew, themelues dhe CEO i D1 Training, një ekskluzivitet fitnesi me bazë atletike, të mbështetur nga atletë profesionistë, na jep disa këshilla.

Si drejtues në fushën e fitnesit dhe studimit, Bartholomew ka arritur të jetë i durueshëm, duke udhëhequr një larmi njerëzish nga atletët profesionistë, deri tek anëtarët e ekipit të korporatave, tek sportistët më të rinj që trajnon. Ai sjell përvojat e tij në pesë këshilla të dobishme se si të zotëroni artin e durimit si një udhëheqës në shoqërinë e sotme.

  1. Besimi në proces.

Çfarë funksionoi dhe çfarë nuk funksionoi gjatë vitit të kaluar, që kërkon kohë dhe durim. Netët e gjata, debatet dhe argumentet në takime dhe informacione të panumërta për të organizuar dhe përafruar vlerat thelbësore të kompanisë tuaj, do të sfidojnë durimin tuaj. Bartholomew këshillon liderët që të jenë të qëndrueshëm dhe të mbajnë besimin në proces.

  1. Praktikoni me kujdes mendjen në mëngjes.

Përveç punës jashtë në mëngjes, Bartholomew i kushton 10 minuta kohë përqëndrimit në frymëmarrje dhe pastrimit të mendjes së tij, gjë që e ndihmon atë të heqë dorë nga gjithçka që mund të dëmtojë aftësinë e tij për të udhëhequr pozitivisht ekipin e tij. Kjo rutinë e mëngjesit bëhet disiplinën, thotë ai, duke shtuar, “Më ndihmon të sjell në zyrë një mendje të qetë, vigjilente dhe të përgatitur, çdo ditë”.

  1. Delegoni.

Të kesh një ekip të mirë në krah është shtylla e parë e suksesit si udhëheqës. Besimi duhet të vendoset që ju të ndiheni të qetë për delegimin dhe ndarjen e përgjegjësive, gjë që, përsëri, kërkon kohë dhe durim. Por, shikoni me kokë lart. Bisedat ndonjëherë të vështira dhe të sinqerta kërkojnë durim, shpjegon Bartholomew. “Ndërsa kjo është një punë e vështirë, ajo çon që punonjësit të ndjehen të dobishëm e të besuar”.

  1. Mos harroni se më shpejt nuk është gjithmonë më mirë.

Kur kohët bëhen stresuese, mund të jetë e lehtë të vraposh nëpër gjëra, edhe në marrjen e vendimeve. Kjo mund të largojë problemin afatshkurtër, por krijon një çështje edhe më të madhe në rrugë.

“Marrja e shpejtë e vendimeve pa menduar në mënyrë kritike është një reflektim i dobët i lidershipit për punonjësit tuaj dhe mund të shkojë kundër misionit tuaj dhe vlerave thelbësore”, shpjegon Bartholomew. “Përkundrazi,” shton ai, “mendoni në mënyrë kritike, por edhe emocionalisht që të mund të bëni zgjidhjen e duhur, jo atë të lehtë”. E njëjta gjë vlen për të ditur se si të presësh dhe sa kohë, cila është një nga aftësitë më të guximshme që një udhëheqës mund të ketë. Disa thirrje mund të bëhen shpejt, por sa më shumë njerëz dhe procese të përfshihen, aq më të afta bëhen vendimet. Bartholomew thotë, “Shumica e vendimeve të biznesit marrin ngutje afatshkurtër dhe durim afatgjatë. Dhe ndërsa durimi është një lojë pritjeje, sigurohuni që pritja të jetë e mbushur me një mendim kritik produktiv”.

Lexo: Nëse tani je një udhëheqës, është koha të veprosh si një i tillë

  1. Praktikoni kontrollin emocional.

Nëse jeni duke drejtuar një biznes ose duke kërkuar mënyra për të shkuar më pranë një promovimi, kontrollimi i emocioneve tuaja është thelbësore për të qenë një udhëheqës i mirë. Të kesh aftësi për të frenuar emocionet vjen me praktikën, e bërë më së miri kur gjendeni në situata që krijojnë përgjigje, qoftë në punë apo në shtëpi. “Nëse keni fëmijë”, thotë Bartholomew, “mendoni për një mënyrë tjetër për t’iu afruar një bisede me ta, kur ata kanë bërë diçka të gabuar, ose provoni një metodë tjetër për të qetësuar trupin në situatat që ju shihni stresuese”.

Më në fund, dhe më e rëndësishmja, zbatoni veprimet tuaja të mësuara në situata të vështira në vendin e punës. “Kjo do të ndihmojë në rritjen e inteligjencës tuaj emocionale dhe do të ketë një rol kritik në zhvillimin e biznesit tuaj,” përfundon Bartholomew.

INC