Nëse tani je një udhëheqës, është koha të veprosh si një i tillë


Ju keni punuar pa u lodhur dhe jeni paguar. Kjo iniciativë fillestare që keni ndërmarrë, tani ka një staf prej 100 vetash dhe shitjet po shënojnë momentin e tyre më të mirë. Apo në performancën tuaj vjetore menaxhmimi funksionoi më së miri. Ka ardhur koha të riorientoni veten nëse doni që të arrini sukses si udhëheqës.
Bëhuni më të vetëdijshëm
Mendimet janë të rëndësishme për stafin tuaj, kështu që duhet të jeni të ndërgjegjshëm për fjalët që zgjidhni dhe gjuhën e trupit që përdorni. Punonjësit shikojnë gjithçka që thoni dhe bëni për të kuptuar se çfarë kuptoni dhe si ndjeheni për çdo gjë në lidhje me ata, punën e tyre, të ardhmen e kompanisë etj. “Njerëzit lexojnë edhe veprimet më të vogla,” – thotë Maren Perry, president i Arden Coaching. Ata me lehtësi do t’i keqinterpretojnë ato nëse nuk komunikoni qartë. Edhe veprimet më të vogla mund të merren për keq në rastet kur nuk ballafaqoheni me ta, por zgjidhni të veproni në heshtje.  Ndoshta kjo vjen edhe si shkak i problemeve tuaja personale, por stafi juaj ka nevojë për një shpjegim. E thënë sa më thjeshtë shqetësimet e panevojshme mund të ndikojnë që të jeni më të largët me punonjësit tuaj. “Gjithashtu, mos harronin se si arritët deri në këtë pikë të karrierës dhe mos harroni të vlerësoni ata që vazhojnë t’ju shërbejnë në mënyrë të shkëlqyer”,- tha Peter Bregman, themelues i firmës këshilluese të lidershipit Bregman Partners. Këto veprime mund të rrezikojnë rolin tuaj dhe mund t’ju çojnë drejt dështimit. Kolegët dhe ekipi juaj duhet të jenë bashkëpunëtorët tuaj më të mëdhenj, kështu që ju keni në dorë të ndërthurni qëllimet tuaja të përbashkëta.
Lexo: Fraza me 3 fjalë që mund t’ju ndihmojë të merrni vendime më shpejt, sipas Jeff Bezos

Lini mënjanë veset e këqija
“Nëse kapeni pas detajeve apo jeni shumë strikt në punën tuaj duhet të tërhiqeni paksa. Duhet të mësoni të jeni efektiv në udhëheqjen tuaj ndaj stafit”, – tha Perry. Tiffany Masterson, themeluesja e linjës “Drunk Elephant”, krijoi kompaninë e saj në vitin 2012 me vetëm disa kontraktorë. Për vite ajo bëri gjithçka, duke krijuar formula të produktit, trajtimin e shërbimit të klientit, dizajnimin e paketimit, marketingun dhe më shumë. Ndërsa biznesi po rritej, ajo kishte nevojë për njerëz të besueshëm.  Sot kompania ka rreth 100 punonjës. “Unë kam një ekip që e dua dhe kam besim. Ju duhet të keni njerëz që besoni tek ajo që ata mund të bëjnë për ju”, – thotë ajo.

Lëviz nga lojtari në trajnjer
Një shenjë dalluese e udhëheqjes së vërtetë është të dish se si t’u japësh të tjerëve fuqinë për të shënuar sukses. “Sa më lart të shkoni, aq më pak ju duhet të kontrolloni dhe aq më shumë duhet të frymëzoni dhe fuqizoni ata në ekipin tuaj”,- tha Bregman. Silluni mirë ndaj njerëzve nga të cilët mësoni cdo ditë.  Peter Cancro operon, me të njëjtin biznes për gati 50 vjet. Ai është themeluesi i Subs Jersey Mike’s, i cili tani ka mbi 1.000 ekskluzivitete. Cancro filloi të punonte në dyqan që në adoleshencë. Ai e do biznesin e tij dhe është gati të bëjë cdo gjë për të. Puna i ka marrë një pjesë të rëndësishme të kohës. “Ju duhet të mësoni të jeni një trajner dhe jo një lojtar “, – tha Canro, i cili krijoi një sistem trajnimi dhe mbështetje shumë të fortë për ata që zotërojnë dhe punojnë në ekskluzivitet. Në fillim të karrierës së saj, Kimberley Gardiner, zyrtarja kryesore e marketingut të Mitsubishi Motors North America, ndjeu se duhej të kishte të gjitha përgjigjet dhe të provonte se kishte një vizion të qartë se ku të merrte gjërat.  Rezultati përfundimtar, tha ajo, është zgjidhja që përfshin ide të shkëlqyera nga i gjithë ekipi.

Menaxhoni kohën tuaj
Ndërkohë që keni shumë takime pune, ju duhet edhe të menaxhoni e fuqizoni ekipin tuaj. Ndërsa duhet të përgatiteni për mbledhje të rëndësishme, stafi duhet të vazhdojë punën.  Kjo i bën mbledhjet e gjata  të jenë më të lehta kur puna juaj ecën mirë dhe iu është besuar njerëzve të sigurt.

Kini besim në atë që thoni
Të pranosh veten si udhëheqëse është një proces që zgjat por edhe pak i vështirë. Masterson, i cili kurrë nuk kishte drejtuar një biznes më parë, mori vendime të shpejta. Por  ndjehej keq kur vendimet e saj shkonin në atë që propozonte ekipi i saj. Ndërsa kompania e saj rritej, ajo mësonte si t’a bënte këtë më së miri. Në të njëjtën kohë, ajo mbështetet në ekspertizën e atyre që ajo punësoi me përvojë në industrinë e bukurisë, për të arritur aty ku ajo nuk e kishte menduar. Gjërat nuk zgjidhen vetëm duke thënë po…po..po.. çdo staf duhet të ketë njerëz që kundërshtojnë me të drejtë.
CNN

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0