Themeluesja e Shebah Georgina McEncroe, nënë beqare e dy femijëve, tha se shërbimi do u sigurojë femrave një punë fleksibël si dhe do mundësojë transport të sigurtë për femrat e tjera.
Ky shërbim është tani i disponueshëm në Melbourne, Brisbane dhe në gjirin turistik bregdetar Gold Coast, Australi.
Shebah pranon vetëm meshkujt deri në moshën 12 vjeç, nëse janë të shoqëruar nga nënat apo motrat e tyre të rritura.
Pas lançimit si ide në GoFundMe në maj të vitit të kaluar, Ms McEncroe tha se përgjigja ka qenë shumë pozitive.
“Fuqia e fjalës është e madhe. Merrja 10 email-e në javë dhe ndoshta katër telefonata në ditë,” tha ajo.
Ajo shtoi se shumë gra që kanë punuar me Uber janë ndjerë të pasigurta në ngarjen e makinave në kohë të caktuara.
“Duke u takuar me këto shofere të Uber gjatë vitit të fundit, shumë pak prej tyre e ngisnin makinën gjatë natës, atëherë kur mund të bëhen të ardhurat më të larta.”
Ky shërbim i ri do mbështeti më mirë financiarisht femrat se të gjithë rivalët e saj.
“Ne po paguajmë me 85% të tarifave të tyre, gjë e cila është më e lartë se ajo e konkurrentëve tanë,” duke shtuar se “1% e çdo tarife do shkojë për bamirësi”.
burimi: smh.com.au
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
