Sfida IDEA ka shpallur 6 fituesit e vitit 2020, ditën e mërkurë, më 28 tetor. 450 nga 1700 aplikantë ishin përzgjedhur të përfitonin nga trajnimet e IDEA 2020, e organizuar si sfidë kombëtare e përbërë nga 6 sfida rajonale, në Vlorë, Shkodër, Berat, Korçë, Elbasan dhe Tiranë.
Fjalën e hapjes e mbajti Jetona Myteveli, koordinatore e projektit IDEA.
180 sipërmarrës ishin përzgjedhur të merrnin pjesë në Modulin për kompetencat e avancuara të biznesit dhe 170 prej tyre hartuan një plan biznesi. Në ceremoninë finale, 16 finalistët prezantuan idetë e tyre, 6 prej të cilave u shpallën fituese.
Juria përbëhej nga Antonela Hako, presidente e Dhomës Ekonomike të Gruas dhe presidente e kompanisë Hako, Rafaela Rica nga Iceberg Communication, Indrit Daçi nga ALBtelecom dhe Bledar Mankollari nga Dhoma Shqiptaro-Gjermane e Tregtisë.
Lexoni: 10 këshilla të dobishme lidhur me rrjetet sociale për start-upe në fazat e hershme
Finalistët patën mundësi të prezantonin bizneset e tyre dhe t’u përgjigjeshin pyetjeve të jurisë.
6 fituesit e Sfida IDEA 2020, të cilët fituan edhe grante prej 4000 dhe 7000 eurosh, varësisht nga skuadra janë:
Evelina & Aleksandros Keta – You Camp
Kreshnik Heqinaj – Ferma e Xhevitit
Elona Bakiu – Tezlin
Jetmira Kojoshi – Natyra Ime
Andrit Hyselli – Bletari Hyselli
Algerta Plakaxhiu – Edu Excellence Academy
Finalistët kanë marrë pjesë në 8 muaj intensiv inkubimi te Sfida IDEA 2020, 10 ditë trajnim interaktiv për biznesin me trajnerët CEFE, 2 muaj me këshilltarët e biznesit për hartimin e planit të biznesit, dhe 2 muaj me mentorët për të njohur nga afër realitetin shqiptar të biznesit.
Programi i trajnimit kombinon teorinë me praktikën, të mësuarit përmes eksperiencës (metoda CEFE), koncepte të lean start up, dizajn thinking dhe sipërmarrës rezilient.
E financuar nga qeveria gjermane dhe e implementuar nga GIZ-ProSEED, “Sfida IDEA” synon të rrisë aftësitë sipërmarrëse midis pronarëve të NMVM-ve të reja ose atyre ekzistuese, të cilët synojnë të zgjerojnë biznesin e tyre për të rritur potencialin konkurrues në tregun kombëtar dhe ndërkombëtar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English