Sektori i internetit kontribuoi 2.1 miliardë dollarë në ekonominë e SHBA-ve


Shoqata e Internetit zbuloi se interneti është sektori i katërt më i madh në SHBA, duke krijuar 6 milionë vende pune dhe më shumë se 2 trilionë dollarë në GDP në vitin 2018.

Lexoni: Ja si po ndikon interneti në jetën tonë

“Industria e internetit në SHBA është një histori suksesi që po krijon vende pune në çdo sektor të ekonomisë,” tha Shefi Ekonomik i Shoqatës së Internetit, Christopher Hooton. “Kjo industri vazhdon të jetë një shtytës kryesor i ekonomisë sonë, si në aspektin e vendeve të punës ashtu edhe në atë të prodhimit.”

Shoqata e Internetit përdori të dhënat e qeverisë amerikane nga viti 2018 për të vlerësuar kontributet e sektorit të internetit në ekonominë amerikane. Rezultatet kryesore nga raporti përfshijnë:

  • Sektori i internetit kontribuoi 2.1 trilionë dollarë në GDP-në e SHBA-ve, duke e bërë atë sektorin e katërt më të madh në ekonomi. Në 10.1% të GDP-së, sektori i internetit qëndron vetëm mbrapa “Pasurive të patundshme, qiradhënies dhe qiramarrjes”, “Administratës Publike (Qeverisë)” dhe “Prodhimtarisë”.
  • Më shumë se 6 milionë amerikanë punojnë në sektorin e internetit. Këto gjashtë milionë vende pune janë ekuivalent me rreth 4% të punësimit në SHBA.
  • Sektori i internetit mbështeti 13.1 milionë vende pune në fusha të tjera të ekonomisë.
  • Sektori i internetit u rrit nëntë herë më shpejt sesa ekonomia amerikane si e tërë nga viti 2012 deri në vitin 2018. GDP-ja e përgjithshme u rrit me 41.8% midis viteve 2007-2018, nga 14.5 trilionë dollarë në 20.5 trilionë dollarë. Sektori i internetit u rrit rreth 372%, nga 438.8 miliardë dollarë në vlerë të shtuar në rreth 2.1 trilionë dollarë – nëntë herë më shpejt se ekonomia e përgjithshme gjatë kësaj periudhe. Për krahasim shtesë, sektori i Informacionit dhe sektori i Prodhimtarisë u rritën me 59.3% dhe 26.6%, përkatësisht, për të njëjtën periudhë.
  • Sektori i internetit investoi mbi 60 miliardë dollarë në ekonomi në vitin 2018. Kompanitë e sektorit të internetit të SHBA-ve investuan 64 miliardë dollarë në ekonominë e SHBA-ve përmes shpenzimeve kapitale. Vetëm anëtarët e Shoqatës së Internetit investuan mbi 42 miliardë dollarë.

InternetAssociation

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale