Ja si po ndikon interneti në jetën tonë


Jetojmë në epokën e internetit dhe shumëkush e di që teknologjia tashmë është bërë pjesë e pandashme e jetës tonë. Jemi gjithë kohës në kontakt me pajisjet tona elektronike, telefonët, smartphone-t, ipad-et, latopët e gjithëçka na jep informacion pa kufi. Por, kur shohim kaq shumë njerëz të shpërqëndruar, të mbërthyer pas telefonit si të ishte më e shenjta gjë që kemi në jetë, shpesh na lind pyetja: Pse gjithë kjo varësi ndaj telefonit? Si po i shërben teknologjia njeriut? Cilat janë impaktet negative dhe pozitive të saj?

Për të marrë këto përgjigje nuk ka nevojë të jesh një ekspert i teknologjisë, pasi përgjigjet i kemi rreth vetes në çdo moment. Teksa telefoni u shpik për të zvogëluar distancat mes njerëzve, ai vuri një mur të madh mes atyre që janë në të njëjtën dhomë. Të zhytur në botën e internetit e të lajmeve pafund që servir ai, harrojmë që mbi të gjitha jemi njerëz, e kemi përreth njerëz që na duan e që kanë nevojë për vëmendjen tonë. Por, kjo nuk vlen vetëm për adoleshentët, pasi shpesh hasim tema të ndryshme: “Ndikimi negativ i tenologjisë tek adoleshentët”. Sot kushdo e gjen veten në botën e internetit, pasi kjo botë kaq gjigande ka hapësirë për të gjithë. Nëse teknologjia dhe interneti na kanë lehtësuar jetën, në një farë mënyrë edhe na e kanë vështirësuar atë.

  • Është shtuar informacioni, por është rritur dembelizmi. Sot shumë pak të rinj i has në ambientet e bibliotekave, të gjithë ushqehen me “ushqimin” e gatshëm që servir interneti.
  • Një drekë, darkë me familjen apo shoqërinë shpesh nuk shijohet ashtu siç duhet. Fokusi është “të bëjmë foto të bukura dhe të shpërndajmë në rrjetet sociale” dhe zinxhiri vazhdon duke u fokusuar tek “like” që do të marrë kjo foto.
  • Një problem që po bëhet edhe më shqetësues është edhe shtrembërimi i gjuhës. Përdoren shkurtime në vend të fjalëve: flm për faleminderit, klm për kalofsh mirë e shumë të tjera të tilla, krahas shprehive me emojy.

Lexo: Këshilla: Si të mbani të sigurta paratë tuaja në internet

Të prekur nga “virusi teknologji dhe internet” janë edhe fëmijët.

  • Një pikëyetje e madhe që ngre tek prindërit teknologjia, lidhet me sigurinë dhe kontrollin e informacionit.
  • Duke lundruar në median sociale fëmijët mund të ndeshen me faqe interneti të pahijshme, të dëmshme që mund të ndikojnë në procesin e tyre të të menduarit.
  • Varësia mund të manifestojë në vetvete një sërë simptomash, që mund të ndikojnë në shëndetin fizik të fëmijëve.

Por, përtej asaj që e konsiderojmë negative, interneti dhe teknologjia kanë edhe benifitet e tyre:

  • Lehtësojnë zhvillimin e ekspertizës teknike dhe të kuptuarit praktik të teknologjisë nga fëmijët.
  • Ndihmon të mbajnë kontakte me të afërmit dhe miqtë.
  • Ndikojnë në zhvillimin e prespektivave për çështje të ndryshme ofrojnë mundësinë e shkëmbimit të ideve.
  • Motivon fëmijët të bëhen e pjesë e diskutimeve të ndryshme dhe inkurajon lirinë e të shprehurit.

Teknologjia ka arritur përmasa dhe dimensione të pallogaritshme, duke u futur në çdo pjesë të jetës sonë.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale