Samsung, Spin Digital dhe SES transmetojnë për herë të parë përmbajtje 8K nëpërmjet satelitit


Samsung, Spin Digital dhe SES bashkojnë forcat për të transmetuar për herë të parë përmbajtje 8K nëpërmjet satelitit. Përmbajtja 8K transmetuar nëpërmjet ASTRA 28.2 gradë është prezantuar në eventin dy ditor, që është mbajtur në Luksemburg, ku Spin Digital ka ofruar ekspertizë për të koduar sinjale 8K me cilësi të lartë, SES gjerësinë e valës për të transmetuar sinjalin, dhe Samsung televizorin 8K me ekran të sheshtë për të marrë dhe deshifruar sinjalin e transmetimit direkt.

Përmbajtja 8K, me 7680×4320 piksels në 50 korniza, është koduar nga Spin Digital duke përdorur enkoderin e saj HEVC në një normë prej 70 Mbps për cilësinë e transmetimit, ndërsa transmetimi kryhet nga SES në një transponder të vetëm 33 MHz, duke përdorur parametrat e transmetimit të DTH. Modeli 82” Samsung 8K Q950RB QLED merr këtë sinjal direkt dhe përdor parametrat e transmetimit DVB-S2 posaçërisht për këtë demo. Ky televizor Samsung përmban një dekodues video HEVC 50/60 fps, kompatibël me 8K, ndërfaqen më të fundit HDMI dhe është në gjendje të shfaqë përmbajtje në HDR. Televizori do të jetë së shpejti në dispozicion në të gjithë Europën.

Transmetimi i përmbajtjes me cilësi 8K në formate të shumëfishta videosh, bën thirrje për kodim efiçent dhe teknologjinë e besueshme për këtë qëllim. Ndërsa teknologjia e kompresimit do të bëhet më efikase në vitet e ardhshme, produkti demo nënvizon faktin  se sateliti tashmë është i aftë të ofrojë shpejtësinë e nevojshme të transmetimit për shpërndarjen e sinjaleve 8K nëpër kontinente të ndryshme..

Lexo: Samsung një hap para Apple. Lançon telefonin inteligjent 5G

Eventi “Dita e Industrisë SES”, jo vetëm që është një platformë ideale për të shfaqur produktet dhe shërbimet më të fundit të mundësuara nga transmetimi satelitor, por ka fituar gjithashtu reputacionin si vendlindja e inovacionit, meqë mbi 300 pjesëmarrës nga 190 kompani në mbarë botën mblidhen së bashku për të diskutuar konceptet që po lulëzojnë në biznes dhe mënyrën se si ata mund të bashkëpunojnë së bashku, për të sjellë zgjidhje më efikase dhe kosto-efektive për klientët e tyre.

Samsung“Samsung është i kënaqur që të bashkohet edhe një herë me SES-in, në një tjetër demonstrim të teknologjisë pararojë në ditët e industrisë SES. Samsung është plotësisht i angazhuar në zhvillimin e një tregu të ardhshëm televiziv 8K dhe ky demonstrim i qëndrueshmërisë së platformës satelitore SES është një hap i rëndësishëm drejt këtij qëllimi “, tha John Adam, Kreu i Zhvillimit të Biznesit dhe Çështjeve Industriale në Samsung Research UK.

“Publiku sot dëshiron eksperienca më të pasura videosh që mund të përmbushen më së miri nga përmbajtja ultra-HD, kështu që shumë nga klientët tanë të transmetimit dhe videove po transferojnë kanalet e tyre në definicion të lartë (HD) dhe Ultra HD. “Do të kalojnë vite përpara se ekranet e sheshtë 8K ose videowallet të bëhen një pamje e zakonshme në dhomat tona të ndenjes. Sidoqoftë, ne po parashikojmë të ardhmen duke punuar me partnerët tanë të industrisë për të përmirësuar më tej përvojën e cilësisë së videos të konsumatorit dhe për të përcaktuar një standard transmetimi satelitor 8K”, – tha Thomas Wrede, Zv/President i Teknologjive të Reja dhe Standarde në SES Video.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale