Samsung dhe Red Bull sfidojnë përdoruesit të ‘Shikojnë Pamjen e Madhe’ në një video të re të sporteve ekstreme - Business Magazine Albania

Samsung dhe Red Bull sfidojnë përdoruesit të ‘Shikojnë Pamjen e Madhe’ në një video të re të sporteve ekstreme


Videoja përmban veprime të jashtëzakonshme nga skateborderi legjendar Pedro Barros për shikuesit që t’i shijojnë në televizorët QLED me ekran të madh

Seul, Kore – 30 Maj, 2018 – Samsung Electronics Co., Ltd. zbuloi sot një video të re të sporteve ekstreme në bashkëpunim me Red Bull dhe skateborderin legjendar brazilian Pedro Barros. Nën tematikën “Shiko Pamjen e Madhe”, video e re i fton shikuesit të përjetojnë veprimet dhe intensitetin e skatebordit, ndërsa Barros luan përmes një strukture të modeluar me disa prej sfondeve më të bukura të botës si Barcelona dhe New York.

https://www.youtube.com/watch?v=ubDIAdj8WTU

Pas suksesit të bashkëpunimit të parë të Red Bull me Samsung nën titullin ‘Shiko të Papriturën’, koncepti i ri thekson intensitetin e skatebordit ndërsa tregon gjithashtu aftësitë e televizorëve QLED të Samsung. I disponueshëm në ekrane super të mëdha që variojnë nga 65 polësh deri në 88 polësh, televizorët QLED mund të tregojnë cilësinë më të lartë dhe të gjallë të imazhit sot në treg, duke kapur çdo ngjyrë dhe lëvizje me qartësi të pacënuar.

“Me ekranin super të madh të televizorëve QLED, shikuesit do të përjetojnë një eksperiencë të mrekullueshme, ndërsa shikojnë videon ‘Shiko Pamjen e Madhe’ me Pedro Barros me lavdinë e tij. Jemi të emocionuar që kemi bashkëpunuar edhe njëherë me Red Bull për të nxjerrë në pah se si sportet ekstreme shfaqen në ekran,” tha Sunghee Han, Zëvendës President i Visual Display Business pranë Samsung Electronics. “Ndërsa vazhdojmë të rrisim serinë tonë të televizorëve QLED, partneritetet tona me marka si Red Bull do të luajnë një rol thelbësor në sigurimin e konsumatorëve me përmbajtje emocionuese të optimizuar për shikimin premium të TV.”

Gjatë gjithë videos, shikuesit do të përjetojnë disa koncepte të ndryshme brenda ndërtimit të një parku skatebordi me dy shtresa virtuale. Ndërsa Barros kalon përmes strukturës, zbulohet një dimension i ri estetik, duke filluar që nga arkitektura e guximshme e Barcelonës dhe nxehtësia e shkretëtirës afrikane deri në xhunglat prej betoni në New York dhe San Francisco. Artistë të njohur globalisht, përfshirë RYNoART, Steve Fawler, Kirsten Poulsen, Sophia Langner, Marco Reinhardt, PTLN, NXT LVL dhe C-Bass kanë kontribuar në projektimin e parkut virtual. Të gjitha veprat e tyre u realizuan nga Starelation dhe mjeshtri i ndërtimit Andreas Schutzenberger që ndërtoi konceptin gjatë një periudhe tetë javore.

Ylli i videos, Pedro Barros është një sportist i famshëm ndërkombëtar i njohur për fitoren e gjashtë medaljeve ari, tre medaljeve argjendi dhe një medalje bronzi në X-Games. Ai është shpallur gjithashtu fituesi i Kampionatit Botëror të Skatebordit për katër vite rresht 2010-2013 dhe u rendit i treti në 2014 dhe 2015.

Video “Shiko pamjen e madhe” do të shfaqet në ekranet e televizorëve QLED në dyqanet e shitjes së Samsung në fillim të Qershorit, si dhe në kanalet e mediave sociale të Samsung dhe Red Bull.

Për të mësuar më shumë rreth TV QLED të Samsung, vizitoni www.samsung.com.

Rreth Samsung Electronics Co, Ltd

Samsung frymëzon botën dhe modelon të ardhmen me ide dhe teknologji transformuese. Kompania po ripërcakton botën e TV-ve, telefonëve inteligjentë, pajisjeve që vishen, tabletëve, pajisjeve dixhitale, sistemeve të rrjetit dhe memorjes, sistemit të zgjidhjeve LSI, fonderi dhe zgjidhjeve LED. Për të rejat më të fundit, lutemi vizitoni redaksinë e lajmeve Samsung në http://news.samsung.com.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0