"Samiti Global i Sipërmarrjes", Palo Alto mirëpret edicionin e 7 të evenimentit të biznesit - Business Magazine Albania

“Samiti Global i Sipërmarrjes”, Palo Alto mirëpret edicionin e 7 të evenimentit të biznesit


“Kur lidhemi me sipërmarrës globalë që kanë aksesin dhe shkëmbimin e nevojshëm për të krijuar dhe inovuar, ne çlirojmë fuqinë e tyre për të ndryshuar botën,” është slogani i Samitit Global të Sipërmarrjes, Edicioni i 7, që bën bashkë sipërmarrësit e të gjithë botës në një vend.

Këtë vit, edicioni i 7 i samitit do të mbahet në Palo Alto, Kaliforni, SHBA, pas Turqisë, Emirateve të Bashkuara Arabe, Malajzisë, Marokut dhe Kenias, të cilat kanë qenë vendet që kanë mirëpritur evenimentin botëror të biznesit. Dhe cili vend do të ishte më shumë i përshtatshëm për të bërë bashkë sipërmarrësit e të gjitha fazave të zhvillimit të bizneseve se sa Silicon Valley, që ka dëshmuar suksesin e mijëra kompanive?

Me kthimin e samitit sërish në Shtetet e Bashkuara të Amerikës, Presidenti Obama nënvizon angazhimin e tij në ndërtimin e urave që do të ndihmojnë në trajtimin e sfidave globale duke u bërë bashkë.

GES 2016 (Global Entrepreneurship Summit), me sipërmarrës nga 170 vende të botës, synon të tregojë sipërmarrësit dhe investitorët e suksesshëm nga e gjithë bota duke krijuar mundësi për investime, partneritet dhe bashkëpunim; të lidhë sipërmarrësit dhe investitorët amerikanë me homologë ndërkombëtarë për të adresuar disa nga sfidat më të vështira globale. Pritja e GES në Silicon Valley do të nënvizojë shpirtin sipërmarrës të Amerikës dhe do të lejojë investitorët dhe sipërmarrësit amerikanë të shikojnë talentet, zgjidhjet dhe mundësitë që ekzistojnë në nivel global.

Samiti do të përfshijë një rang të gjërë workshop-esh, panelesh, bisedime të ndezura, prezantime konkursesh, mentorime dhe seksione rrjetëzimi me qëllim që t’u japë pjesëmarrësve mundësi të posaçme për të fituar aftësi dhe lidhjet që do të ndihmojnë sipërmarrjet të rriten. Brenda samitit do të ketë edhe hapësira për demonstrim, panele eksperimentale për të mësuar dhe mundësi për t’u lidhur me eksepertët e industrisë.

 

/Business Mag Albania

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0