Komisioni Europian publikoi raportin e Parashikimit të Ekonomisë të Dimrit 2016, sipas të cilit ekonomia e Europës do të vazhdojë rimëkëmbjen.
Në raport thuhet po ashtu se rritja ekonomike e Eurozonës do të përshpejtohet pak në vitin 2016 dhe 2017, por duhet treguar vëmendje në kushtet e ngadalësimit të rritjes së ekonomive të reja, dobësimit të tregut ndërkombëtar, gjendjes së tensionuar në disa zona dhe sfidave të tjera të jashtme që po shtohen.
Raporti parashikon se ekonomia e 19 vendeve të Eurozonës do të rritet këtë vit 1.7 për qind, duke e kaluar nivelin 1.6 për qind të vitit 2015, ndërsa në vitin 2017 pritet të arrijë në 1.9 për qind.
Sipas raportit, përveç Greqisë, të gjitha vendet e tjera të Eurozonës do të kenë rritje ekonomike në vitin 2016.
Ekonomia e Greqisë këtë vit pritet të ulet me 0.7 për qind, kurse në vitin 2017 parashikohet të rritet me 2.7 për qind. Rritja e ekonomisë gjermane si sivjet, ashtu edhe vitin e ardhshëm, parashikohet të ketë një rritje 1.8 për qind.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
