Me rritjen e vetëdijesimit mbi rëndësinë e mësimit rreth teknologjisë informative, është rritur edhe numri i nxënësve në Shkollën Digjitale, e veçanërisht i vajzave, ku pjesëmarrja e tyre në shumicën e grupeve është rritur dukshëm, dhe aktualisht përqindja e vajzave që mësojnë programim në Shkollë Digjitale është mbi 30%.
Kjo rritje e përqindjes së vajzave, vërehet edhe në organizimet dhe garat e shumta të cilat i organizon Shkolla Digjitale çdo vit, si: ‘48-Hour Hackathon’, ‘Girls in ICT’, ‘November Code Fest’, ‘Summer School’, ‘Hour of Code’ dhe të tjera.
Ky vit, ka filluar me organizimin e kurseve dimërore në Shkollën Digjitale në Prishtinë, ku mbi 100 nxënës kanë përfunduar me sukses kursin intensiv 5 ditor në aftësimin me njohuritë më të kërkuara në treg, dizajn i webit UI/UX dhe inteligjenca artificiale. Në mesin e nxënësve, vërehet një përqindje e madhe e vajzave pjesëmarrëse, të cilat na bëjnë krenar me angazhimin dhe kreativitetin e tyre gjatë zhvillimit të projekteve mbresëlënëse.
Lexo:Si ti jepni fundjavës suaj një dimension tjetër
Vajzat adoleshente të shkollës kanë krijuar programe kreative dhe funksionale, të cilat sfidojnë edhe projektet profesionale të kompanive teknologjike vendore dhe ndërkombëtare – përfshirë edhe projekte reale për klientë.
Kujtojmë se gjatë vitit 2023, me rastin e ditës së vajzave në TIK, kemi mirëpritur për ditën e ‘Girls In ICT’ mbi 150 pjesëmarrëse në Shkollën Digjitale në Prishtinë për të bashkëbiseduar rreth rrugëtimit të programereve të ardhshme, mundësive të vajzave në industrinë e TIK si dhe storiet e suksesit inspiruese të vajzave.
Në përpjekjen për të promovuar barazinë gjinore, Shkolla Digjitale ka arritur të rrisë pjesëmarrjen e gjinisë femërore në staf dhe në numrin e nxënësve. Ndërsa pjesëmarrja e femrave në staf është mbi 56%, përqindja e tyre në numrin e nxënësve është rreth 30%, duke treguar një angazhim të vazhdueshëm për të inkurajuar dhe përfshirë më shumë vajza në fushën e teknologjisë.
Synimi është vazhdimi i rritjes së përqindjes së vajzave në fushën e teknologjisë (STEM) për t’u afruar deri në 50% vajza dhe 50% djem, në numrin e nxënësve aktiv në shkollë.
Ne ftojmë të gjitha vajzat e grupmoshave 8 – 18 vjeç, që së bashku me ne, të mësojnë kodimin sepse e ardhmja jonë është në duart e juaja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
