Rreziqet e të paturit një person të famshëm në promocionin e biznesit tuaj


Marketerët pranojnë se njerëzit kanë më shumë gjasa të ndikohen nga një mesazh që vjen nga dikush me të cilin ata kanë ngjashmëri (p.sh. nevojat e ngjashme, qëllimet, interesat, mënyra e jetesës). Prandaj ata shpesh zgjedhin individë që admirohen si televizioni dhe kinemaje, sportistë, individë të njohur për të dhënë mesazhin e tyre.

Por, zgjedhja e një personazhi të njohur nga marketerët, për të realizuar një promocion ka edhe rreziqet e veta. Marketerët kanë rolin kyç për të zgjedhur një personazh që ka përputhshmëri me promocionin dhe produktin. Më poshtë do të njihemi me disa nga rrisqet që vijnë nga përdorimi i personaliteteve  në reklama:

Lexo: Çfarë duhet të bëjnë domosdoshmërisht agjensitë e reklamave?

Personi i famshëm (personaliteti) mund ta lërë në hije produktin që mbështet:

Reklamuesit duhet të zgjedhin një zëdhënës të famshëm, i cili do të tërheqë vëmendjen dhe do të rrisë mesazhin e shitjeve, por nuk do ta errësojë markën. Personi i famshëm duhet të rritet me produktin. Marketerët nuk duhet të zgjedhin asnjëherë një personalitet të famshëm, ndërkohë që produkti sapo ka dalë në treg.

Personaliteti mund të mbiekspozohet, duke reduktuar kështu besueshmërinë e tij:

Konsumatorët mund të bëhen skeptikë, kur një person i famshëm prezanton shumë produkte ose kompani dhe bëhet i ekspozuar. Kështu, konsumatori ka një lëkundje të besimit. Personazhi duhet të jetë i fokusuar vetëm në një linjë produktesh.

Audienca e synuar mund të mos e pëlqejë personin e famshëm që mbështet produktin:

Është e rëndësishme për marketuesit të zgjedhin një person të famshëm që përputhet dhe pranohet mirë nga audienca e synuar. Produkti duhet të ketë përputhshmëri me personin e famshëm.

Sjellja e personit të famshëm mund të përbëjë një rrisk për kompaninë:

Reklamuesi duhet të zgjedhë një përkrahës, i cili nuk do ta vërë në siklet kompaninë. Hulumtimi i jetës personale dhe backgroundit të personit të famshëm për të zvogëluar këtë rrezik po bëhet diçka e zakonshme.

Personat e famshëm nxjerrin kuptime të fuqishme nga rolet që ata kanë patur në jetën dhe karrierën e tyre. Çdo rol i ri dramatik e sjell personin e famshëm në kontakt me një sërë objektesh, personash dhe kontekstesh. Nga objektet, personat dhe kontekstet, janë kuptimet, të cilat transferohen dhe qëndrojnë tek personat e famshëm.

Lexo: 4 mënyra për të shitur Idenë e Madhe

Përpara se të shpenzojnë paratë e kompanisë, marketerët duhet të marrin në konsideratë shumë faktorë kur zgjedhin një njeri të famshëm për të shërbyer si zëdhënës i reklamave të tyre. Ndër faktorët më të rëndësishëm janë: përputhshmëria e personit të famshëm me audiencën e synuar dhe produktin/shërbimin ose markën, imazhi i përgjithshëm i personit të famshëm, kosto për sigurimin e personit të famshëm, besueshmëria, rreziku i polemikave, dhe familjarizimi, pëlqyeshmëria e personit të famshëm nga audienca e synuar.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale