Rregulli që çdo njeri duhet të ndjekë në jetë për t’u bërë një folës më i mirë - Business Magazine Albania

Rregulli që çdo njeri duhet të ndjekë në jetë për t’u bërë një folës më i mirë

folës më i mirë

Winston, i cili dha mësim në MIT për gati 50 vjet dhe ishte një nga profesorët më të dashur të shkollës, diti të magjepste audiencën. Stili i tij nuk binte shumë në sy, por ishte jashtëzakonisht bindës – edhe më i rëndësishëm kur mendon se ai punonte në fushën teknike të inteligjencës artificiale.

Nëse e shikoni leksionin e plotë në Youtube dhe ju rekomandoj ta bëni, do të mësoni disa këshilla të paçmueshme që do t’ju bëjnë, jo vetëm një folës më të mirë, por edhe një komunikues më të mirë. Megjithatë, do të zbuloni gjithashtu një perlë të paçmuar në pesë minutat e para të fjalimit, kur Winston përshkruan atë që ai e quan “rregulli i angazhimit”. Është një politikë e thjeshtë, e panegociueshme dhe është vetëm me pak fjalë.

Rregulli i Uinstonit në klasë? Jo laptopë. Jo celularë.

Edhe pse i thjeshtë, ky është një rregull që sot pothuajse askush nuk e ndjek dhe që e bën atë jashtëzakonisht të vlefshëm. Rregulli i angazhimit të Winston është gjithashtu një shembull i përsosur i inteligjencës emocionale në jetën reale: aftësia për t’i bërë emocionet të funksionojnë për ju, në vend që të jenë kundër jush.

Lexoni: Jepini trurit tuaj një pushim dhe filloni 2022 me sfidën pa rrjete sociale

Si ‘Rregulli i Angazhimit’ ju bën një dëgjues më të mirë?

Winston vazhdon të shpjegojë arsyetimin pas rregullit të tij të angazhimit.

“Disa njerëz pyesin pse pa laptop, pa celular është një rregull angazhimi,” thotë Winston. “Përgjigja është, ne njerëzit kemi vetëm një përpunues gjuhësor. Dhe nëse procesori juaj i gjuhës është i angazhuar … jeni të hutuar. Dhe, më keq akoma, ju shpërqëndroni të gjithë njerëzit përreth jush. Studimet e kanë treguar këtë.”

Ai vazhdon, “Dhe më keq akoma, nëse shoh një laptop të hapur, më acaron!”

Winston ka të drejtë, sigurisht. Në vitet 1950, psikologu Donald Broadbent provoi një pikë të ngjashme duke vendosur subjekte me kufje që u jepeshin dy mesazhe të ndryshme në të njëjtën kohë, një në secilin vesh. Më pas, Broadbent testoi subjektet në aftësinë e tyre për të ruajtur informacionin.

Përfundimi i Broadbent? Ne mund të dëgjojmë vetëm një zë në një kohë.

Por si mund t’ju ndihmojë juve dhe organizatës suaj rregulli i angazhimit “pa laptopë, pa celularë”?

Në ditët e sotme, njerëzit janë mësuar t’u përgjigjen menjëherë mesazheve elektronike, dhe kjo ka diçka të mirë. Kur u përgjigjeni shpejt mesazheve të të tjerëve, ju jepni informacionin që u nevojitet për të çuar përpara punën e tyre. Për më tepër, ju tregoni se i vlerësoni ata.

Megjithatë, në përpjekjet tuaja për t’u përgjigjur shpejt, ju gjithashtu mund të bëni një gabim të madh. Duke kontrolluar vazhdimisht telefonin tuaj, edhe kur jeni në një takim ose bisedë me të tjerët, ju e lini partnerin tuaj të bisedës me ndjenjën se nuk jeni vërtet “i pranishëm” dhe se nuk ju intereson ai apo biseda.

Për më tepër, thjesht mendoni për të gjithë kohën e humbur në takime, në të cilat dikush përsërit diçka që është thënë tashmë.

Dëgjimi dhe bashkëpunimi i vërtetë kërkojnë vëmendje të plotë. Dhe nëse jeni duke folur me një person tjetër, ai person mendoi se jeni mjaftueshëm i rëndësishëm për t’ju dhënë kohën dhe vëmendjen e tij.

Pse të mos i ktheni nderin?

Lexoni: 10 objektivat që sipërmarrësit duhet të kenë këtë Vit të Ri

Ju gjithashtu duhet të merrni parasysh një rregull “pa telefon” për kohë ose vende specifike. Nuk ka pajisje shtesë për takimet e bashkëpunimit, për shembull. Ose disa takime (ose pjesë takimesh) ku të gjitha pajisjet janë lënë mënjanë.

Do të habiteni nga përfitimet pozitive që korrin këto veprime dhe thellësia dhe cilësia që u shtojnë marrëdhënieve tuaja.

/inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0