CEO i Tesla-s, Elon Musk, ka ndarë së fundmi një nga mësimet më të kushtueshme nga fillimet e tij si sipërmarrës, duke rrëfyer se humbi kontrollin mbi kompaninë e tij të parë, Zip2, pavarësisht se ajo u shit për 300 milionë dollarë në fund të viteve ’90.
Duke folur për themelues të rinj startup-esh në AI Startup School të Y Combinator në San Francisko, Musk identifikoi si gabimin më të madh të asaj kohe dorëzimin e tepërt të kontrollit te investitorët—të cilët, sipas tij, nuk e kuptonin vizionin e tij për internetin.
Nga refuzimi i Netscape, te programimi nga zyra dhe dushi në YMCA
Rruga e Musk drejt Zip2 nisi me refuzime. Pas largimit nga doktoratura në Universitetin e Stanfordit, ai nuk arriti të gjejë punë në Netscape – madje CV-ja e tij as që arriti ndonjëherë te Marc Andreessen. “Isha si, kjo është qesharake. Do ta shkruaj vetë softuerin dhe do shoh çfarë ndodh”, kujton ai. Ditët e para ishin të vështira. Musk dhe bashkëthemeluesi i tij flinin në zyrë dhe lahen në YMCA për të kursyer. Në një moment, ai madje shpoi dyshemenë e zyrës për të lidhur një kabllo me internetin e ofruar nga ISP-ja që ndodhej poshtë ndërtesës.
Shitja prej 300 milionë dollarësh që nuk solli kontrollin
Pavarësisht vështirësive, Zip2 u kthye në një histori suksesi dhe përfundimisht u shit për 300 milionë dollarë. Por, dorëzimi i kontrollit ndaj investitorëve bëri që Musk të mos kishte më ndikim mbi drejtimin strategjik të kompanisë sipas vizionit të tij për potencialin e internetit.
Një mësim që formësoi filozofinë e Musk për biznesin
Kjo përvojë i mësoi Musk rëndësinë e mbajtjes së kontrollit dhe të “mos i heqësh kurrë të gjitha çipat nga tavolina.” Ai investoi pothuajse të gjithë fitimin prej 20 milionë dollarësh nga Zip2 në kompaninë e radhës, X.com, që më vonë u bë pjesë e PayPal.
Sot, Elon Musk është vlerësuar me një pasuri prej 366 miliardë dollarësh, sipas Bloomberg Billionaire Index. Ai u tha sipërmarrësve të rinj se ndërsa inxhinieria kërkon të vërtetën, politika shpesh gjeneron vetëm zhurmë, një urtësi e fituar nga përvoja e tij në ditët e para të Silicon Valley.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
