Rindërtimi pas tërmetit, propozohet heqja e TVSH-së për pajisjet dhe materialet e ndërtimit » Business Magazine Albania – Media Dixhitale dedikuar Sipërmarrjes
Përditësuar së fundmi: 03/12/2019

Rindërtimi pas tërmetit, propozohet heqja e TVSH-së për pajisjet dhe materialet e ndërtimit

Share
nga Admin
Dhj 03, 2019
Business Magazine Albania constitutes an online periodical publication of business related articles. It is the first of
lexo me teper >

Nevoja për ndërtime të reja pas dëmeve masive të tërmetit, ka nxitur qeverinë të propozohë heqjen e TVSH-së (Tatim mbi Vlerën e Shtuar), për materialet e ndërtimit.

Në Kuvend ka mbërritur akti normativ që përjashton nga detyrimi i pagimit të Tatimit mbi Vlerën e Shtuar mjetet dhe pajisjet, që do të përdoren për rindërtimin e zonave të prekura nga fatkeqësitë.

Krahas kësaj, nga TVSH parashikohet të përjashtohen pajisje për ushtrinë.

Në argumentin për ligjin, ministria e Mbrojtjes, e cila ka propozuar ndryshimet, thekson se, “Këtë përjashtim e kemi kufizuar në rastet dhe afatet e shpalljes së gjendjes së fatkeqësisë natyrore. Këto dy elementë janë pjesë e fushës së përgjegjësisë së Ministrisë së Mbrojtjes dhe përfaqësojnë një interes publik madhor”.

Goditjet e forta të tërmetit, pritej ta detyronin qeverinë të nisë rishikimin e ligjit të buxhetit për vitin e ardhshëm, ligj ende në diskutim në Kuvend.