Revista Shtator 2017 - Nëse gjatë verës të mungoi, ja ku vjen tani!

Revista Shtator 2017 – Nëse gjatë verës të mungoi, ja ku vjen tani!


Të gjithë e dimë se pas pushimeve, nevojiten edhe disa pushime të tjera për të marrë veten. Për të kapur ritmin e punëve apo për të qenë mendërisht të gatshëm për një rikthim tek produktiviteti, Shtatori tingëllon si muaji i duhur.

Ndaj edhe ne, vendosëm që edicionin 14 të Business Magazine Albania ta publikojmë online pikërisht këtë muaj.

Duke qenë se gjithnjë kërkojmë të sjellim më shumë materiale ekskluzive dhe më pak përkthime, ky numër ështe konceptuar paksa ndryshe nga të tjerët.

Sezonin e kaluar televiziv, për herë të parë në Shqipëri, aktorët e rinj të skenës së sipërmarrjes gjetën vend në ekranin e gjerë të televizionit. Pikërisht në Vizion+, si një produksion i Tring TV, lindi spektakli “Do You Have an Idea”, nën drejtimin e Turjan Hyskaj.

Formate të tilla televizive janë tepër të nevojshme për të stimuluar publikun e gjerë drejt sipërmarrjes si një zgjidhje e shumë problemeve me të cilat haset shoqëria jonë, që realizohet duke marrë vetë përsipër t’i vëmë gjërat në lëvizje.

Business Magazine Albania, lindi si iniciativë e tillë, me misionin për të promovuar dhe mbështetur Sipërmarrjen.

Për këtë arsye, kemi sjellë në formën e një rubrike Speciale, një set me intervista me disa prej të rinjve, të cilët me idetë e tyre morën vëmendjen e publikut dhe të investitorëve nga juria.

Po me të njëtin qëllim ne sjellim edhe Specialen me Intervista të 3 çmimeve të para të Startup Live Tirana, aktivitet të cilin e mbështesim për vitin e dytë rradhazi.

Si gjithmonë, mirëpresim të na shkruani komentet dhe sugjerimet tuaja si dhe ta shpërndani revistën me miqtë!

Linkun për shkarkim mund ta gjeni KËTU 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0