Shoqëria e mikrofinancës NOA është e para që ka regjistruar zyrtarisht tituj joqeveritarë në Bursën Shqiptare të Titujve, njoftoi AMF.
Në një ceremonie të posaçme, Drejtori i Përgjithshëm Ekzekutiv i AMF, Ervin Mete, theksoi se janë dashur jo pak përpjekje për të arritur deri këtu. Ai uroi që ky hap të shërbejë si shembull për t’u ndjekur nga kompani të tjera, publike ose private.
Vënia në funksionim e Bursës Shqiptare të Titujve konsiderohet një moment i rëndësishëm për tregun shqiptar të kapitalit. Ajo u jep mundësi investitorëve të shtojnë kapitalin dhe të ardhurat, duke ndikuar kështu në zhvillimin e qëndrueshëm të ekonomisë.
Pas emetimit dhe ofertimit për publikun e gjerë, sipas burimeve nga tregu interesi për blerjen e titujve ka qënë shumë i lartë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
