Rama, mbështetje me kredi për fermat e mëdhaja në bujqësi

Rama, mbështetje me kredi për fermat e mëdhaja në bujqësi


Kryeministri Edi Rama, nga një fermë në Laknas e ndërtuar nga ish-politikani Rexhep Uka, u shpjegoi sipërmarrësve nga fusha të ndryshme avantazhet e të investuarit në bujqësi, pas lehtësirave të krijuara nga qeveria në këtë sektor.

Në këtë bashkëbisedim ishin edhe biznesmenë, të cilët kanë nisur investimet e tyre të para për fermat në bujqësi.

“E vërteta është që nuk ka limit. Ne na duhet të krijojmë kushtet që financimi dhe kreditimi i bujqësisë të jetë pa limit. Por, sigurisht, për ta materializuar projektin tonë duheni ju. Ne mendojmë se ka ardhur koha që t’i vëmë në dispozicion sipërmarrjes një paketë, që e kemi quajtur Agro100. Njëri komponent është për fermën e madhe. Për çdo fermë në 100 hektarë ne do të bëjmë një mbështetje të drejtpërdrejtë me 1 milion dollarë në 5 vite për çdo sipërmarrës apo grup, që hyn në këtë proçes”, tha kryeministri Rama.

Rama u ndal edhe në kreditë e këqija.

“Kreditë e këqija shkuan deri në 25%, që përbënin kërcënim real. Ne kemi bërë përpjekje bashkë me Bankën e Shqipërisë dhe kemi sjellë një ulje të arsyeshme, edhe pse jo të konsiderueshme për sa i përket nivelit ku duhej të ishim, në rreth 20%. Fakt është që pjesë e kredive të këqija për bankat nuk figurojnë kreditë e dhëna për fshatin”, deklaroi kryeministri Rama.

Ministri i Zhvillimit Ekonomik, Arben Ahmetaj tha se viti 2016 do të shpallet viti i bujqësisë, dhe se për pastrimin e kanaleve të kullimit dhe drenazhimit do të vihen në dispozicion 35 milionë dollarë.

Nikolin Jaka, kreu i Dhomës së Tregtisë dhe Industrisë tha se, sipërmarrja shkon atje ku ndodh kthimi i investimit, por duhet hartim politikash dhe strategjish për të garantuar paratë e investuara.

/Top-Channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0