Rama: Maji me masa më të lehta qarkullimi. Do të ketë vendim për shkollat dhe turizmin


Kryeministri ka bërë të ditur në një dalje të tij të fundit se duke nisur nga java e ardhshme do të ketë një shtrirje të orarit dhe të drejtës për të lëvizur. Sipas tij do të ketë një fashë të tretë biznesesh që do t’u lejohet të hapin aktivitetin, por hapja duhet të garantohet me rregulla sigurie. Një protokoll sigurie nevojitet të respektohet prej tyre dhe aktiviteteve që do të vijojnë të hapen më tej.

Sipas Ramës, deri në fillim të javës tjetër do të ketë një vendim për shkollat dhe universitetet. Ai kujtoi se vetëm Danimarka i ka hapur pjesërisht shkollat. Nuk ka ende një përfudim për arsimin dhe turizmin.

Lidhur me Turizmin, Rama  kujtoi se është në kontakt me kryeministra të disa vendeve që e kanë turizmin jetik, ashtu si edhe ne. “Por, falë edhe ndërveprimit do ta kemi vendimin për turizmin brenda majit duke parë gjithnjë ecurinë e epidemisë”.

Përsa i përket mbështetjes nga paketa e parë, ai tha se “ka shkuar në 52 mijë numri i atyre që kanë marrë pagën e luftës. Për dy transhet e tjera nuk do të ketë asnjë vonesë. Janë rreth 65 mijë individë të refuzuar, të cilët automatikisht do të marrin pagesën 40 mijë lekë”.

Lexo: Konfindustria propozon masa përmirësuese për bizneset

Tatim-fitimi i të gjitha bizneseve të vogla për 2020 është falur.Vijojnë të paguhen sigurimet dhe TVSH.

Rritja e shpejtësisë për rinisjen e aktivitetit mund të na kushtojë shumë. Duhet të jemi të vetëdijshëm që do të tërheqim frenat nëse numri i të infektuarve nis të rritet, tha Rama.

Ai kujtoi se, normaliteti i ri nuk do të jetë normaliteti që kishim përpara se sa hymë në këtë kohë të jashtëzakonshme.

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale