Publikohen mijëra dokumente sekrete të Facebook-ut

Publikohen mijëra dokumente sekrete të Facebook-ut


Gati 4,000 faqe të dokumenteve konfidenciale të Facebook-ut janë bërë publike, duke zbuluar punët e brendshme të gjigantit të rrjeteve sociale.

Të mërkurën, reporteri hulumtues Duncan Campbell, publikoi ​​një numër të madh të email-eve të brendshme, raporteve dhe dokumenteve të tjera të ndjeshme nga fillimi i vitit 2010, që detajojnë qasjen e brendshme të Facebook ndaj privatësisë dhe mënyrën se si i trajtoi të dhënat e përdoruesve.

Dokumentet u përpiluan fillimisht si pjesë e një procesi gjyqësor që startup-i Six4Three ngriti kundër Facebook, pasi startup-it iu ndërpre aksesi në aplikacion. Dokumentet duhej të mbeteshin sekrete – por ato u zbuluan.

Lexoni gjithashtu:

Drejtori ekzekutiv i Twitter tallet me logon e re të Facebook-ut

Disa nga dokumente ishin bërë publike para të mërkurës. Komiteti i Parlamentit Britanik për Teknologji, Kulturë, Media dhe Sport, botoi qindra faqe në një raport në dhjetor; ato u konfiskuan nga themeluesi i Six4Three, Ted Kramer, kur vizitoi Mbretërinë e Bashkuar.

Dhe në muajt para se ai të fuste të gjithë dokumentet në domenin publik, Campbell i ndau me gazetarët në NBC News dhe me media të tjera, të cilët më pas publikuan disa histori për to.

Facebook ka luftuar fuqishëm kundër publikimit të dokumenteve, duke argumentuar se ato nuk tregojnë një pamje të ekuilibruar të aktiviteteve të tij. Në një deklaratë me email, një përfaqësues i kompanisë i tha Business Insider: “Këto dokumente të vjetra janë nxjerrë jashtë kontekstit nga dikush që ka një axhendë kundër Facebook dhe janë shpërndarë publikisht me një mospërfillje të plotë ndaj ligjit amerikan”.

Këtu janë disa prej zbulimeve kryesore nga publikimi i dokumenteve, përfshirë raportet nga publikimet e mëparshme:

Facebook planifikoi të spiunojë vendndodhjet e përdoruesve të Android-it. Duke cituar dokumentet, Computer Weekly raportoi në shkurt se “Facebook kishte planifikuar të përdorte aplikacionin e tij të Android-it për të gjetur vendndodhjen e klientëve të saj dhe për t’i lejuar reklamuesit të dërgojnë reklama politike dhe ftesa në faqet e takimeve të dashurisë tek njerëzit ‘beqarë’.

Facebook ka ushtruar kontroll mbi të dhënat e përdoruesve për të dëmtuar rivalët si YouTube, Twitter dhe Amazon. Kompania ndërmori veprime agresive për të bllokuar qasjen e kompanive rivale – ndërsa i cilësoi veprimet e saj si të nevojshme për të mbrojtur privatësinë e përdoruesit.

Lexoni gjithashtu:

Facebook lançon një veçori vetëm për lajmet – do t’i paguajë publikuesit

Drejtuesit e Facebook planifikuan me qetësi një “ndërrues” të politikave të të dhënave.” Facebook filloi të ndërpresë mundësinë e përdorimit të të dhënave të përdoruesve për zhvilluesit e aplikacioneve nga viti 2012 për të dëmtuar rivalët e mundshëm, ndërsa këtë akt e paraqiti për publikun e gjerë si një ndihmë për privatësinë e përdoruesit”, njoftoi Reuters të mërkurën, duke cituar dokumentet e publikuara.

Facebook dëshironte t’u kërkonte kompanive para për të shfrytëzuar të dhënat e përdoruesve. Dokumentet e bëra publike në fund të vitit 2018, zbuluan se nga viti 2012 deri më 2014, Facebook kishte menduar që t’i detyronte kompanitë të paguajnë për të pasur qasje në të dhënat e përdoruesve.

Publikimi përfshin gati 4,000 faqe të dokumenteve të brendshme të Facebook-ut, afro 3,000 faqe ekspozimesh të tjera nga çështja dhe qindra faqe të pjesëve të tjera të dokumentacionit ligjor.

BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0