Pse Elon Musk është kaq i suksesshëm? 5 tipare kryesore të personalitetit të tij që do ju ndihmojnë edhe juve - Business Magazine Albania

Pse Elon Musk është kaq i suksesshëm? 5 tipare kryesore të personalitetit të tij që do ju ndihmojnë edhe juve

personalitetit

Ne mund të rendisim arritjet e Elon Musk, si bashkëthemelues i PayPal, kompania që ndryshoi mënyrën e pagesave; themelues i Tesla, kompania e makinave elektrike që po ndryshon botën; dhe themeluesi i SpaceX, kompania që po përpiqet të na nxjerrë nga kjo botë dhe të kolonizojë një tjetër. Ne gjithashtu mund të rendisim një sërë mbiemrash për të si novator, lider, gjeni, vizionar, futurist, sipërmarrës…

Por a mund të përshkruajmë pse Musk është i tillë? A mundemi jo vetëm të përcaktojmë elementët që e bëjnë Muskun kaq të suksesshëm, por edhe të fillojmë t’i mishërojmë ato në jetën tonë? Kjo mund të jetë pak më e vështirë për t’u bërë, por jo e pamundur.

Në këtë artikull ju sjellim pikërisht 5 arsye që shpjegojnë pse ai është kaq i suksesshëm.

Lexoni: 7 libra që Elon Musk mendon se duhet t’i lexoni patjetër

“Jo” nuk do të thotë asgjë

Ekziston një anekdotë që gruaja e parë e Musk tregon për të kur ai ishte në kolegj. Ai arriti 98% në një nga provimet e tij. Duke qenë një perfeksionist, ai shkoi te profesori i tij dhe i tha atij të ndryshonte rezultatin në 100%. Shumë prej jush do ta lexojnë këtë dhe do të mendojnë: Pse? Cili është qëllimi i kësaj? Unë do të isha i lumtur me një 98%. Por ky detaj i vogël, i thjeshtë është një përcaktues.

2% që ndau Musk nga rezultati dhe përsosmëria e tij aktuale i tingëllonte si një “jo” gjigante. Por ai nuk pranonte të merrte një Jo për përgjigje. Edhe nëse do të ishte për 2%. Kjo 100% kishte kuptim të mjaftueshëm për të, saqë ai e vendosi veten në një situatë të vështirë, duke folur me profesorin e tij dhe zhvilloi bisedën e vështirë nga e cila shumë njerëz largohen. Në fund, ai arriti qëllimin e tij. Pse? Sepse “jo” nuk do të thoshte asgjë për të.

Nëse mund ta kapërcejmë frikën fillestare të “Jo-së” dhe të kuptojmë se kjo nuk do të thotë asgjë, ne do të bëhemi më të mirë. Sa mundësi kemi humbur vetëm për shkak të frikës sonë për të kërkuar?

Një fokus i veçantë

Musk ka përsosur artin e përqëndrimit. Në fakt, gjatë fillesave të Tesla, kur një problem specifik kërkonte zgjidhje, Musk i duhej të flinte aty dhe të punonte te Tesla 75 orë me radhë derisa ai problem të zgjidhej.

Ai nuk mendoi për asgjë tjetër. Ai nuk u hutua nga detyra të tjera, të lodhshme. E vetmja gjë në të cilën ai u përqendrua ishte Tesla. Tani shikoni Tesla: është një gjigant në lulëzim që po ndryshon botën e automobilave. Sigurisht që nuk do të ishte kështu pa fokusin e pandërprerë të Musk.

Ky fokus i ka lejuar Musk të përsosë artin e përqëndrimit, ku ishte i zhytur plotësisht në një detyrë që ai i kishte vënë vetes. Kjo arrihet vetëm kur personi mund të kryejë detyrat më të rëndësishme. Sigurisht çdo gjë ka të bëjë me prioritetet në jetë.

Mendoni për punën tuaj dhe mënyrën se si t’i realizoni detyrat e përditshme. Sa shpesh shpërqendroheni? Sa shpesh diçka e vogël ju tërheq vëmendjen, duke ju bërë më pak produktiv dhe më pak efektiv? Si mund ta planifikoni ditën tuaj në mënyrë që të mund të kryeni një detyrë, pastaj të kaloni në tjetrën, në mënyrë efektive, të motivuar dhe me një qëllim?

Etikë pune që ushqehet me pasion

Një faktor tjetër që e ndihmon Musk ka të bëjë me cilësinë e punës që ai bën. Musk është një rast studimi perfekt për dikë, etika e punës e të cilit ushqehet nga pasioni i tij. Ai e do atë që po bën, sepse bën atë që do. Pasioni i tij për punën është aq i fortë sa nxit të rrijë deri natën vonë, të realizojë 80 orë punë duke fjetur poshtë tavolinës së tij të punës.

E vërteta është, nëse jemi të apasionuar, ose nëse gjejmë pasion, në punën që po bëjmë, do na duket sikur nuk po punojmë realisht. Ajo kthehet në një mision ose lojë dhe ne e gjejmë veten duke shijuar atë që po bëjmë. Orët e zgjatura të punës nuk duken si orë të pafundme pune, sepse pasioni ynë po na ushqen.

Të menduarit me vizion të madh, por me hapa të vegjël

Shumë nga idetë madhështore të Musk vijnë nga pyetje të vogla. Si ta bëjmë udhëtimin në Kaliforni më të përshtatshëm? Një hekurudhë. Një hekurudhë elektrike. Një hekurudhë elektrike që kalon nëpër një tunel të madh, gërmuar në anë të një mali. Pyetja fillestare është gjithmonë e vogël, më pas përgjigjet që jepen për të rriten progresivisht. Ai pastaj merr secilën përgjigje të pyetjes dhe përpiqet ta bëjë atë në mënyrën më të mirë të mundshme. Kjo është mënyra e Musk.

Pra, gjeni një ide të vogël. Jepni përgjigjet e dukshme, pastaj vendosni qëllimin tuaj në ato përgjigje dhe ndiqini ato me këmbëngulje. Idetë e mëdha vijnë gjithmonë nga një pyetje e thjeshtë.

Lexoni: Elon Musk theksoi problemin më të madh me Bitcoin

Intensitet i shëndetshëm, i palëkundur

Musk është padyshim intensiv. Në fakt, secila prej katër tipareve që kemi përshkruar më sipër kultivohen vetëm nga ata që kanë intensitet. Sidoqoftë, Musk e bën atë në një mënyrë të shëndetshme, konstruktive.

Shumë njerëz përpiqen të jenë intensivë në punën e tyre por shkojnë në burnout, ata dalin jashtë kontrollit dhe përfundojnë duke përformuar në mënyrë dramatike.

Aftësia e Musk për të ruajtur shëndetin e tij vjen për shkak të mentalitetit të tij sipërmarrës, pasionit për punën e tij dhe fokusit të tij absolut.

/Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0