Pse çdo lider duhet të ndihmojë punonjësit të krijojnë kompanitë e tyre?! - Business Magazine Albania

Pse çdo lider duhet të ndihmojë punonjësit të krijojnë kompanitë e tyre?!

punonjësit

Të ndihmosh njerëzit të rriten dhe të arrijnë madhështinë, pavarësisht nëse janë brenda kompanisë ose jashtë, është një nga gjërat më të mëdha që mund të bësh si lider.

“Babi, po jap dorëheqjen. Nuk mund të drejtoj më PR për ty. Unë jam duke krijuar kompaninë time.”

E mbaj mend sikur të ishte dje. Ishte mëngjesi i së hënës dhe në momentin që vajza ime hyri në zyrën time dhe mbylli derën, e kuptova se diçka po ndodhte.

Tani, ka disa njerëz për të cilët parashikojmë të japin dorëheqjen papritur, por kurrë nuk mendojmë për fëmijët tanë. Por nuk u mërzita. Në fakt, ishte pikërisht e kundërta, isha i emocionuar. Isha i trishtuar që e humba një anëtare skuadre dhe nuk punoja më me të çdo ditë, por kur ajo u largua për të krijuar një kompani veshjesh për fëmijë, isha i lumtur që po ndiqte ëndrrat e saj, jo të miat.

Dhe kjo filozofi nuk ishte vetëm për gjakun tim. Ishte për këdo që punonte në Blinds.com. Doja që ata të largoheshin dhe të fillonin kompaninë e tyre. Për mua, kjo do të thoshte se bëja shumë mirë punën time për t’i bërë ata versione më të mirë të vetvetes.

Lexoni: Doni të tingëlloni më inteligjent? Këto janë shprehitë dhe fjalë që duhet të eleminoni nga fjalori

Skenari më i mirë është që punonjësit tuaj të krijojnë kompanitë e tyre

Shumica e punëdhënësve tradicionalë nuk duan që punonjësit e tyre të fillojnë një kompani të re. Por këto kompani humbasin pamjen e madhe. Punonjësit ambiciozë janë ata që natyrshëm do të zgjidhin problemet. Ata janë ndërtues. Kompanitë e reja kanë nevojë për ndërtues dhe krijues.

Lideshipi duhet të jetë për t’i ndihmuar njerëzit të bëhen më të mirë nga sa kanë besuar ndonjëherë. Të ndihmosh njerëzit të rriten dhe të arrijnë madhështinë, pavarësisht nëse janë brenda kompanisë apo jashtë, është një nga gjërat më të mëdha që mund të bësh si lider. Është detyra juaj si lider të krijoni liderë të tjerë. Këta punonjës me potencial të lartë herët a vonë do të kërkojnë rrugën e tyre, prandaj pyetini se çfarë duan. Jini të hapur që mund të dëgjoni se ata duan të drejtojnë shfaqjen e tyre.

Në mënyrë kundër-intuitive, të ndihmosh punonjësit të shkojnë diku tjetër i mban ata me ju më gjatë, sepse ju po i ndihmoni të arrijnë atje. Ata kanë nevojë për ndihmë, ndaj qëndrojnë për të mësuar nga ju. Pra, për mendimin tim, jo ​​vetëm që është dritëshkurtër të mos punësosh dikë që është ambicioz dhe mund të hapë një kompani të re, por është moralisht e gabuar dhe e keqe për biznesin.

Çdo themelues duhet të krijojë versionin e vet të PayPal Mafia

Ka një foto që nuk mund ta harroj kurrë. Është PayPal Mafia. “PayPal Mafia” është një grup ish-punonjësish dhe themeluesish të PayPal-it, të cilët kanë themeluar dhe zhvilluar kompani të tjera teknologjike si Tesla, LinkedIn, Palantir Technologies, SpaceX, Affirm, Slide, Kiva, YouTube, Yelp dhe Yammer.

Jo keq, apo jo? Vetëm një mori kompanish miliarda dollarëshe të përdorura nga miliarda njerëz në mbarë botën. Në pronësi të miliarderëve. Dhe ky është ndoshta versioni i shkurtuar. Mendoj se themeluesit e tjerë mund të mësojnë shumë nga kjo.

Unë nuk punësova vetëm ata që mendoja se do të vazhdonin të ndërtonin kompani miliarda dollarëshe. Doja t’u jepja atyre një shans për të pasur sukses dhe të përcaktonin sukseset e tyre. Ka kaq shumë shembuj nga vetë punonjësit e mi, por disa dallohen nga të tjerët.

Ishte Uche Akeeb, e cila filloi linjën e saj të veshjeve, shkroi një libër dhe flet në evente në mbarë vendin. Dhe pastaj është Sarah Kim, e cila u mëson liderëve anembanë botës të krijojnë kultura të ndryshme që rrisin kompanitë e tyre. Oh, dhe të mos harrojmë Dixie Ann Dalton, e cila filloi biznesin e saj të suksesshëm të fotografisë.

Nëse vërtet dëshironi të ndihmoni dikë të bëhet më i mirë nga sa e kishte ëndërruar ndonjëherë, duhet të besoni në të dhe të siguroheni që kjo është një pjesë e panegociueshme e kulturës suaj. Dhe kjo përfshin ndihmën e tyre për të filluar një kompani të re, edhe nëse kjo do të thotë të largohen nga ju.

/inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0