PSA Group, mbeti pak mbrapa në fakt përsa i përket makinave elektrike. Ndërkohë, komshinjtë e Renault, janë veteranë tashmë në këtë fushë.
E përbërë nga Peugeot, Citroën, DS dhe Opel, grupi ka ngelur pas, por tashmë ka krijuar një divizion më vete për makinat elektrike.
Në një deklaratë për shtyp, kompania ka prezantuar njësinë e re të biznesit (BU), e cila do të jetë përgjegjëse për strategjinë e kompanisë për makinat elektrike dhe prezantimin e produkteve apo shërbimeve të ngjashme.
Alexandre Guignard, i cili së fundmi ka marrë postin e nëndrejtorit për C dhe D Program në PSA Group, i është ngarkuar detyra e drejtimit të njësisë së re dhe të raportojë direkt tek CEO e kompanisë, Linda Jackson.
Ajo komentoi:
“Tranzicioni i energjisë, është një mundësi që grupi ynë ka kapur, duke e shfrytëzuar për prezantimet tona të reja, por edhe e bërë e mundur nga platformat tona. Sfida për “Business Unit”, e cila përfiton nga një eksperiencë e ndërtuar përgjatë viteve brenda PSA Group do të jetë që të ofrojë makinat më të mira, në kohën më të mirë, që të kënaqë kërkesat e klientëve tanë dhe të sigurojë kushtet ekonomike më të mira për grupin.”
Në fakt, brandi ka patur disa programe për makinat elektrike në të shkuarën. Citroën Berlingo 100% elektrik, E-Méhari, DS E-Tense. Këto kanë qenë disa nga përpjekjet e para të grupit për “t’u futur në lojë“. Ndërkohë, Opel Ampera E, ka qenë produkti më “serioz” elektrik i grupit.
Makina ka qenë tepër popullore në Europë. Por, ajo ka qenë e bazuar në një Chevrolet Bolt EV dhe e prodhuar nga General Motors. Në Mars 2017, Opel u ble nga grupi PSA, kështu që edhe zinxhiri i prodhimit, u prish. Kjo bëri që kompanisë t’i duhej ta rishikonte edhe një herë prodhimin e Ampera E.
Por PSA Group ndihet më e fortë tashmë. Ndaj, ajo ka rishikuar prodhimin e makinave të reja elektrike dhe Plug-in Hybrid. Kështu, janë prezantuar 2 platforma të reja për makinat elektrike. Me to, do të prodhohen 4 makina elektrike dhe 7 Plug-in Hybrid.
https://www.youtube.com/watch?v=rlj944NM6YE
Burimi: Electrek
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
