Bernard Arnault, CEO i LVMH dhe njeriu i pestë më i pasur në botë, ka shpikur një term të ri për largimin e punonjësve nga puna – “promovim jashtë”.
Arnault përdori këtë frazë gjatë një telefonate me investitorët e LVMH të martën, duke iu referuar vendimit të kompanisë META për të shkurtuar punonjësit me performancë të dobët, sipas Fortune. Miliarderi francez, 75 vjeç, pretendoi se ata që humbasin vendin e punës në fakt po “promovohen” drejt mundësive më të mira në kompani të tjera. Kjo mënyrë e të shprehurit, e cila mund të tingëllojë ironike për shumëkënd, erdhi ndërsa Arnault njoftoi se edhe Tiffany & Co. do të kalojë në një proces shkurtimi të stafit. Në një përpjekje për të zbutur lajmin, ai e quajti Tiffany-n një ‘Bukuri të fjetur’, duke thënë se marka do të rilindë përmes riorganizimit të stafit.
Lexo edhe:Cili është mendimi i Zuckerberg mbi DeepSeek?
As Arnault dhe as LVMH nuk dhanë detaje mbi numrin e punonjësve që do të “promovohen jashtë” apo mbi afatet kohore të këtyre largimeve, raporton Fortune. “Kur je mësuar të flesh për 10 vjet dhe papritur të kërkohet të jesh më i aftë, më i shpejtë dhe të arrish objektiva të larta, disa njerëz nuk ia dalin dot,” tha Arnault gjatë raportimit të fitimeve të kompanisë. Kjo qasje duket se është frymëzuar nga vendimi i META-s për të shkurtuar 5% të stafit, si pjesë e një strategjie për të larguar punonjësit me performancë të ulët. “Kam vendosur të rris standardet e menaxhimit të performancës dhe të largoj më shpejt ata që nuk arrijnë pritshmëritë,” tha CEO i META-s dhe themeluesi i Facebook-ut, Mark Zuckerberg, në një memo të brendshme. “Normalisht, ne i menaxhojmë punonjësit që nuk përmbushin pritshmëritë përgjatë një viti, por tani do të ndërmarrim një shkurtim edhe më të shpejtë, bazuar në performancë,” shtoi ai.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
