Teksa lufta mes Ukrainës dhe Rusisë vazhdon, shumë kompani gjigante globale kanë ndërmarrë “sanksione” të ashpra ndaj kësaj të fundit në shenjë proteste për të dhënë mesazhet e ndalimit të luftës.
Google është një ndër këto kompani, e cila ka vendosur të ndalojë përdorimin e Google Play Store dhe marrjen e pagesave të YouTube në Rusi.
Megjithatë një organizatë e përbërë nga zhvillues të ndryshëm rusë kanë deklaruar se ato po krijojnë një aplikacion zëvëndësues të Play Store i cili do të quhet NashStore (Dyqani Ynë në shqip). Në këtë aplikacion do të bëhet e mundur pagesa me sistemin e banker të kartave Mir, duke lejuar që zhvilluesit të marrin pagesat për aplikacionet e tyre.
Lexo edhe: Google do të lançojë një filtër kundër komenteve abuzive online në ndihmë të gazetarëve
“Për fat të keq rusët nuk mund të përdorin më normalisht Google Play për të blerë aplikacione dhe zhvilluesit kanë humbur burimin e tyre të të ardhurave. Prandaj ne kemi krijuar një aplikacion të ri rus të quajtur NashStore.” tha Vladimir Zykov, një përfaqësues i Organizatës së Platformave Dixhitale.
Ky dyqan i ri aplikacionesh do të lançohet në datën 9 maj, e cila përkon gjithashtu me ditën e fitores gjatë Luftës së Dytë Botërore. Ky nuk do të jetë dyqani i parë vendas i aplikacioneve, pasi më parë gjigandi i teknologjisë Yandex ka ofruar Yandex Store si një alternativë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English