Produktet "Made in Albania" marrin pjesë në panairin e produkteve të konsumit në Kinë - Business Magazine Albania

Produktet “Made in Albania” marrin pjesë në panairin e produkteve të konsumit në Kinë


Ka startuar ditën e djeshme në Ningbo të Kinës panairi ndërkombëtar i konsumit “China International Consumer Goods Fair”, i cili do të qëndrojë i hapur deri në datën 12 Qershor 2017. Njëkohëshisht me këtë panair po mbahet edhe edicioni i tretë i “China-CEEC Investment and Trade Expo”’, si pjesë e mekanizmit 16+1 ku bëjnë pjesë Kina dhe 16 vende të Europës Qendrore dhe Lindore, ku pjesëmarrëse është edhe Shqipëria.

Vendi ynë përfaqësohet në panairin e produkteve të konsumit nga kompani që i përkasin sektorit prodhues të produkteve ushqimore dhe pijeve alkoolike. Falë ndihmës së dhënë nëpërmjet fondeve të menaxhuara nga Agjencia Shqiptare e Zhvillimit të Investimeve (AIDA), produktet e suksesshme “Made in Albania” po promovohen për të tretën herë radhazi në tregun aziatik.

’’China International Consumer Goods Fair”, është një nga panairet më të rëndësishëm në kontinentin aziatik, i cili mbledh kompani dhe investitorë potencialë nga e gjithë bota. Ky panair ofron një mundësi të shkëlqyer për partneritet midis bizneseve, si dhe mundësi për gjetjen e tregjeve të reja për eksport.

Burimi: aida.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0