Po sikur Shqipëria ta shfryëzonte naftën në këtë mënyrë? Brezat e ardhshmë në Norvegji gëzojnë një fond prej 1 trilion dollarësh


Norvegjia është një prej modeleve më të mira të shfrytëzimit të pasurive natyrore. Ndërsa Shqipëria, Kosova dhe Ballkani, po i shesin lëndët e para kryesisht të papërpunuara, një leksion i fortë na vjen nga shteti nordik.

Fondi Sovran i Norvegjisë arriti në 1.09 trillion dollarë, duke vendosur një rekord historik. Kjo shumë erdhi si rezultat i rritjes së stoqeve botërore dhe forcimit të euros dhe dollarit. I krijuar në vitin 1996 për të shfrytëzuar të ardhurat që vijnë nga nafta, fondi është më i madhi i këtij lloji në botë.

“Kur fondi u krijua, askush nuk mendonte se do të kalonte këtë vlerë [1.09 trilionë dollarë]. Ishim me fat që zbuluam naftë. Kthimi i investimeve në tregjet botërore financiare ka qenë aq i madh sa mund të duket sikur kemi zbuluar naftë përsëri”, ka deklaruar Yngve Slyngstad, shef ekzekutiv i Fondit.

Kujtojmë se Shqipëria ka burime të mëdha nafte, e njëkohësisht edhe probleme të mëdha me menaxhimin e kompanisë publike të nxjerrjes së naftës. Nga një kontratë qirajë në tjetrën, me një keqmenaxhim të Armos dhe pikave të saj të nxjerrjes, është krijuar një borxh i madh në buxhetin publik dhe naftëtarët shpesh mbeten të papaguar për disa muaj.

Lexoni gjithashtu:

Miliarderi amerikan do të paguajë të gjitha kreditë studentore të kolegjit Morehouse

Aktualisht çdo norvegjez ka të paktën 200 mijë dollarë në këtë fond, çka përbën një pasuri të madhe për brezat e ardhshëm.

Shumica e parave të këtij fondi investohen në tregjet ndërkombëtare financiare dhe vetëm një pjesë e tyre investohet brenda Norvegjisë. Të ardhurat që i vijnë shtetit nordik nga nafta derdhen te ky fond. Kjo i shërben vendit që në të ardhmen të ruajë aftësinë për të paguar nëse nafta do të pakësohet, ose nëse bien çmimet dhe shërben edhe si rezervë për brezat e ardhshëm.

Më 27 gusht, Banka Qendrore e Norvegjisë propozoi një zhvendosje që përfundimisht mund të transferojë më shumë se 100 miliardë dollarë nga tregjet e aksioneve europiane dhe ato amerikane, megjithëse një veprim i tillë, nëse miratohet, mund të kërkojë vite për të përfunduar.

Reuters, Businessmag

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale