Po mendoni të filloni biznesin tuaj? Puna në një kompani të madhe mund t’ju mësojë shumë

Pyetja cilat janë disa nga aftësitë e rëndësishme që njerëzit mund t’i mësojnë duke punuar në kompani të mëdha? fillimisht u shfaq në Quora: site për të fituar dhe shkëmbyer njohuri.

Përgjigja vjen nga Andy Ruben, CEO dhe Themelues i Yerdle:

Unë jam shumë mirënjohës që kam punuar në kompaninë Procter & Gamble, CGE & Y dhe Walmart në veçanti për lidershipin, menaxhimin, rëndësinë e kulturës organizative, ekspozimin dhe botëkuptimin se si funksionon një ndërmarrje e madhe.

Lexoni: Dëshironi të filloni një biznes? Pyetni veten pse

Shumë themeluesve të startup-ve u mungojnë modelet dhe shembujt e liderëve të jashtëzakonshëm. Vërtet kompanitë e mëdha kanë lidershipin më të mirë. Kam kaluar disa vjet duke punuar për Tom Coughlin, nënkryetar në Walmart. Është e pamundur të përshkruaj se sa shumë kam mësuar nga Tomi. Unë gjithashtu jam me fat që kam punuar për Lee Scott, CEO-n e Walmart, për disa vjet. Kishte shumë momente kur Lee fliste direkt me mua, por unë tani po kuptoj se sa shumë kam përfituar thjesht duke vëzhguar se si ai i përballonte problemet.

Kam punuar edhe për disa menaxherë të jashtëzakonshëm në P&G dhe Walmart. Këta menaxherë më dhanë një këndvështrim të vlefshëm se si të zhvilloj dhe të menaxhoj ekipin tim.

Puna ime në Walmart më ekspozoi në një përvojë që nuk do ta merrja kurrë në një startup – duke qëndruar në skenë para 35,000 njerëzve, duke u ulur në dhoma të vogla me krerët e shteteve, duke parë menaxherët rajonalë të merren me situata që kurrë nuk do të imagjinoja se mund të ndodhnin.

Këto janë ndër aftësitë për të cilat unë jam shumë mirënjohës nga përvoja ime në një kompani të madhe dhe ato i vijnë në ndihmë drejtpërdrejt një sipërmarrësi të ri. Të jesh i ekspozuar ndaj ekspertëve në fushën e tyre është diçka shumë e çmuar.

Inc