Me një eksperiencë plot 20 vjeçare kompania e mirënjohur Pirraçi-U6 është e shtrirë me degët e saj në Shqipëri-Greqi-Kosovë-Maqedoni. E themeluar nga sipërmarrësi Urim Pirraçi dhe e përbërë nga një staf profesisonist dhe i përkushtuar, Pirraçi-U6 ka rritur shërbimet dhe është kthyer në kompani lider në treg, e cila ofron të gjithë gamën e shërbimeve që duhet për çdo lloj ndërtese që ka për bazë konstruksione metalike. Tashmë për këto tipologji ndërtesash nuk është nevoja të kontraktoni kompani të ndryshme për të marrë shërbimet, pasi Pirraçi-U6 ka menduar për të gjithë paketën nga leja e ndërtimit deri në dorëzimin e veprës. Pirraçi-U6 me ekipin profesional ofron studim, projektim, prodhim dhe ndërtim, duke ofruar zgjidhje për projekte të ndryshme sipas kërkesave të klientëve.
Përse dallon në treg PIRRAÇI-U6?
“Kompania është e kontrolluar nga sistemi i drejtimit të cilësisë EN ISO 900 I:2008 dhe përmban një sistem cilësor kontrolli në prodhim dhe zhvillim. Punimi i hekurit bëhet me makineri të teknologjisë evropiane në të cilën çdo detaj mendohet me rëndësi. Cilësia e hekurit është e certifikuar me kapacitetet më të larta evropiane. Ngritja e ndërtesës dallohet nga cilësia dhe shpejtësia, sipas kërkesave të klientëve. Kompania jonë ofron një ekspertizë të besueshme dhe profesionale, shërbim dhe çmim mjaft konkurues. Ne ofrojmë zgjidhje të reja teknike përmes prodhimit dhe ngritjes së strukturave prej çeliku me cilësi të lartë. Një risi e produktit tonë “Konstruksione metalike” është se ekipi ynë teknik dhe projektues asiston që nga konceptimi deri në realizimin e plotë të çdo ideje të klientit.” – shpjegojnë për ProBizz.al drejtues të kompanisë.
Një risi e produktit “Konstruksione metalike” është fakti se ekipi teknik dhe projektues asiston që nga konceptimi deri në realizimin e plotë të çdo ideje të klientit. Kompania merr përsipër realizimin e idesë së klientit që në fazën e projektimit, nëpërmjet projekteve cilësore 3D, të cilat në konsultim të ngushtë me klientin finalizohen për t’u realizuar më pas në linjën e tyre të prodhimit.
Zyra e projektimit përbëhet nga një staf serioz profesionistësh si: – Arkitekt – Ing.Projektimi – Supervizore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
