Për të qenë të lumtur, duhet të hiqni dorë nga këto 7 zakone - Business Magazine Albania

Për të qenë të lumtur, duhet të hiqni dorë nga këto 7 zakone


Si mund t’a bëni jetën tuaj pak më të lumtur? Për të arritur lumturinë, shumë njerëz përqëndrohen në shtimin e gjërave, por ndoshta duhet të hiqni dorë nga disa gjëra nëse doni të jeni vërtet të tillë.

Doni të dini se ku të filloni? Business Mag ju sugjeron këto 7 zakone, nga të cilat duhet të hiqni dorë për të qenë të lumtur.

1. Hiqni dorë nga puna jashtë 8-orëshit

Është e kuptueshme që njerëzve u duhen paratë. Ndoshta nuk mund t’i thoni “jo” shefit, ose jeni thjesht të fiksuar pas punës. Arsyeja nuk ka rëndësi, ju duhet të punoni më pak nëse doni të jeni të lumtur.

Studimet tregojnë se të punuarit vazhdimisht më shumë seç duhet ndikon në shëndetin mendor. Puna e shumtë dëmton mirëqenien dhe mund të arrijë edhe në nivele depresioni.

Gjithashtu, na duhet një lidhje e balancuar punë-jetë. Koha e shpenzuar me familjen dhe miqtë është relaksuese, edhe nëse ndonjëherë duket sikur përfshin punë.

Lexoni: Shenjat që tregojnë se nuk keni një balancë midis punës dhe jetës

2. Hiqni dorë nga nevoja për të patur gjithçka nën kontroll

Ju duhet të jeni të gatshëm të hiqni dorë nga nevoja për të patur çdo aspekt të jetës suaj nën kontroll. Është e kuptueshme deri diku, por nuk duhet të harxhoni gjithë kohën tuaj duke bërë axhenda, lista etj.

Duhet të ndaloni së menduari për të kontrolluar gjëra që nuk i keni në dorë. Ky është një tip kontrolli që krijon ankth dhe kaos.

Është e vështirë, por duhet të pranoni që çdo njeri është ashtu siç është dhe ne nuk mund t’i ndryshojmë disa gjëra.

3. Mos ua vini fajin të tjerëve.

Duke ua vënë fajin të tjerëve, ju nuk mbani përgjegjësi për veprimet tuaja. Është shumë e thjeshtë t’ia vësh gishtin dikujt tjeter. Në vend që të bëni këtë, filloni dhe mendoni më objektivisht. Shpenzoni energji për t’a zgjidhur problemin.

Lexoni: 15 thënie që do të ndryshojnë opinionin tuaj mbi paratë

4. Mos u qëndroni afër njerëzve negativë.

Negativiteti është sëmundje ngjitëse. Me kë rri, ashtu bëhesh… duke ndenjur me njerëz negativë, edhe ju do të bëheni një njeri negativ.

5. Hiqni dorë nga FOMO (fear of missing out)

Richard Branson ka thënë “mundësitë janë si autobuzët, vjen gjithmonë një tjetër!”

Duke u shqetësuar gjithmonë se do t’ju iki mundësia për të bërë gjithçka, ju jeni vazhdimisht të stresuar dhe nën presion.

Branson e di mirë që ka burime dhe kohë të limituar. Por, ai analizon me kujdes çdo mundësi dhe vendos se cilat janë më të vlefshme duke qenë selektiv.

6. Mos u mundoni t’u bëni përshtypje të tjerëve.

Ndaloni së munduari kaq shumë për të qenë dikush që nuk jeni vetëm për t’u bërë përshtypje të tjerëve. Doni t’i bëni njerëzit t’ju pëlqejnë? Epo, është më e rëndësishme të gjeni njerëz që ju pëlqejnë për atë që jeni në të vërtetë.

Hiqni fasadat dhe thjeshtë jini vetvetja.

Lexoni: Kjo është puna më e rehatshme në botë

7. Mos u mundoni të jeni perfekt.

Është e pamundur që një njeri të mos bëjë gabime. Askush nuk pret që të jeni gjithnjë perfekt, është e pamundur. Duke u munduar të jeni perfekt, ju nuk jeni kurrë të kënaqur me veten dhe kjo ju bën më pak konfident. Nëse doni të jeni të lumtur, pranojini gabimet tuaja dhe mundohuni t’i rregulloni ato herën tjetër.

Burimi: Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0