15 thënie që do të ndryshojnë opinionin tuaj mbi paratë - Business Magazine Albania

15 thënie që do të ndryshojnë opinionin tuaj mbi paratë


Besimet tuaja rreth parave mund të luajnë një rol të madh nëse jeni apo jo të pasur.

Business Magazine ka përmbledhur disa shprehje interesante rreth parave nga disa miliarderë që do të ndryshojnë perspektivën tuaj për biznesin, investimin dhe suksesin.

Nga investitori Warren Buffett te manjati i teknologjisë Jeff Bezos, në këtë artikull janë disa nga shprehjet që ata kanë thënë në lidhje me paratë.

“Qëllimi im nuk ka qenë kurrë që të krijoja një kompani. Shumë njerëz e keqinterpretojnë këtë, sikur mua nuk më interesojnë të ardhurat apo përfitimet. Ajo që ka rëndësi është të ndërtoj diçka që në të vërtetë bën një ndryshim vërtet të madh në botë.” – Mark Zuckerberg, CEO i Facebook

“Kur një biznes i vogël rritet si eBay, ai ka një efekt shumëfishues. Ai krijon biznese të tjera të vogla që e furnizojnë atë me kapital, mallra dhe shërbime intelektuale.” – Meg Whitman, CEO e Hewlett Packard

“Unë do t’ju them se si të bëheni të pasur. Mbyllini dyert. Frikësohuni kur të tjerët janë lakmitarë, jini lakmitarë kur të tjerët janë të frikësuar.” – Warren Buffett, kryetar dhe CEO i Berkshire Hathaway

“Ka shumë pak njerëz në botë që ndërtojnë një biznes si ky. Mendoj se tregtimi për një fitim afatshkurtër nuk është shumë interesant.” – tha Evvan Spiegel, CEO i Snap Inc. (për të mos shitur në Facebook)

“Arsyeja që unë kam qenë në gjendje të jem kaq e suskesshme financiarisht është se fokusi im kurrë nuk ka qenë paratë.” – Oprah Wnfrey, manjate biznesi

“Mendoj që sa më shumë para të vendosni në duart e njerëzve, aq më shumë ata do të shpenzojnë. Dhe nëse ata nuk i shpenzojnë, ata do t’i investojnë ato. Investimi është një mënyrë tjetër për të krijuar vende pune. Ai vë para në fonde të përbashkëta ose lloje të tjera bankash që mund të japin hua dhe ne duhet ta bëjmë këtë. ” – Michael Bloomberg, CEO i Bloomberg LP

“Nëse do të ishim të motivuar nga paratë, do ta kishim shitur kompaninë shumë kohë më parë dhe do të përfundonim në një plazh.” – Larry Page, bashkëthemelues i Google dhe CEO i Alphabet Inc.

“Unë mendoj se kursimi nxit risi, ashtu siç bëjnë kufizimet e tjera. Një nga mënyrat e vetme për të dalë nga kornizat është krijimi i rrugës tuaj.” – Jeff Bezos, CEO i Amazon

“Ju gjithmonë dëgjoni shprehjen, paratë nuk e blejnë lumturinë. Por unë gjithnjë me vete kam menduar se shumë para mund të blejnë pak lumturi. Por kjo në fakt nuk është e vërtetë.” – Sergey Brin, bashkëthemelues i Google dhe president i Alphabet Inc.

“Sot, të bësh para është shumë e thjeshtë, por të bësh para të qëndrueshme duke qenë përgjegjës për shoqërinë dhe përmirësimin e botës është shumë e vështirë.” – Jack Ma, kryetar ekzekutiv i Grupit Alibaba

“Paraja ju bën më shumë sesa ai që jeni.” – Sara Blakely, themeluesja e Spanx

“Jam pak ngushtë me paratë, po kujt i intereson? Unë shikoj paratë që do të shpenzoj për veten time dhe pyes veten nëse klientët e IKEA mund ta përballojnë atë … Mund të udhëtoj rregullisht në klasin e parë, por të kesh para me bollëk nuk më duket si një arsye e mirë për t’i humbur ato. Për të qenë një udhëheqës i mirë, duhet të japësh një shembull të mirë. Unë duhet ta bëj këtë për të gjithë punonjësit e IKEA-s.” – Ingvar Kamprad, themelues i IKEA

“Tregjet financiare në përgjithësi janë të paparashikueshme. Ideja që ju mund të parashikoni se çfarë do të ndodhë është në kundërshtim me mënyrën sesi unë e shoh tregun.”  – Goror Soros, investitor dhe kryetar i Menaxhimit të Fondit Soros

“Unë besoj se ju duhet të kuptoni ekonominë e një biznesi para se të keni një strategji dhe duhet të kuptoni strategjinë tuaj para se të keni një strukturë. Nëse ju i kuptoni këto në mënyrë të gabuar, me shumë mundësi do të dështoni.” – Michael Dell, CEO i Dell Inc.

“Nuk e kam menduar kurrë se do të bëhesha i pasur. As që më shkonte në mendje. Ajo që me të vërtetë më motivonte ishte përpjekja për të arritur diçka.” – Sheldon Adelson, kryetar dhe CEO i Las Vegas Sands Corporation

burimi: BusinessInsider

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0