24 orë nga fillimi i aplikimeve për vendosjen e paneleve diellore për ngrohej e ujit, 136 aplikime kanë mbërritur nga qytetarët në Agjencinë e Eficencës së Energjisë.
Lajmi u bë i ditur nga zv/kryeministrja dhe ministre e Infrastrukturës dhe Energjisë, Belinda Balluku në një postim në rrjetet sociale.
“Jemi krenarë për faktin që të gjithë së bashku po solidarizohemi për kursimin e energjisë. Fakti që të gjithë e kanë kuptuar çelësin e suksesit për të përballuar këtë krizë na bën besimplotë se e ardhmja do të jetë akoma më e mirë” shkruan zonja Balluku.
Nga 1 nëntori qytetarët mund të aplikojnë për të përfituar subvencion në masën 70 % për instalimin e paneleve me ngrohje diellore. Skema për nxitjen e përdorimit të paneleve diellore për ngrohjen e ujit nga klientët familjarë synon reduktimin e konsumit të energjisë elektrike dhe përmirësimi i furnizimit me ujë të ngrohtë sanitar dhe reduktimin e emetimeve të CO2.
Lexo: Shoqatat e transportit publik i kërkojnë qeverisë të vijojë me subvencionet
Kjo është thirrja e dytë për aplikim, e cila i drejtohet klientëve familjarë të interesuar për marrjen e shërbimit të instalimit të paneleve diellore për ngrohjen e ujit për deri në 2000 (dy mijë) konsumatorë familjarë, të cilët do të përzgjidhen për të përfituar nga kjo skemë mbështetëse.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
