OpenAI thuhet se ka krijuar një klasifikim të ri që tregon nivele të ndryshme të zhvillimit të Inteligjencës Artificiale (AI) drejt arritjes së një AI superinteligjente.
Sipas raporteve, sistemi i klasifikimit të cilin OpenAI e ka ndarë me punonjësit e saj përfshin pesë nivele: niveli i parë përfshin chatbot ekzistues gjenerativë me AI, ndërsa niveli i pestë përfshin AI të përgjithshme, por mjaftueshëm të fuqishme sa për të trajtuar punën e një organizate të tërë.
Thuhet se kompania ka ndarë gjithashtu detaje të një projekti të ri që përdor modelin GPT-4 dhe demonstron arsyetime të ngjashme me ato të njeriut, shkruajnë mediat e huaja, përcjell Telegrafi.
Bëhet e ditur se kompania planifikon të ndajë klasifikimin edhe me investitorët dhe publikun e gjerë, megjithëse nuk ka dhënë asnjë afat kohor.
Nivelet e klasifikimit janë:
- Niveli 1 – Chatbots: AI me gjuhë bisedore
- Niveli 2 – Reasoners: Zgjidhja e problemeve në nivel njerëzor
- Niveli 3 – Agjentët: Sistemet që mund të ndërmarrin veprime
- Niveli 4 – Inovatorët: AI që mund të ndihmojë në shpikje
- Niveli 5 – Organizatat: AI që mund të bëjë punën e një organizate
Bazuar në këtë klasifikim, niveli i parë është vendi ku janë shumica e sistemeve të sotme me AI.
OpenAI thuhet se ka arritur nivelin e dytë të quajtur Reasoners me GPT-4, megjithatë, kjo aftësi ende nuk është demonstruar plotësisht nga kompania.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English